Poda, PS ankohet në Kushtetuese
Deputetët socialistë kanë çuar në Gjykatën Kushtetuese dekretin për kandidatin për anëtar të Gjykatës së Lartë, Zamir Pode.
Aristir Lumezi
28 deputetë socialistë dhe të PSD-së kanë firmosur kërkesën e tyre, përmes së cilës i kërkojnë Gjykatës pezullimin e ekzekutimit të vendimit të Kuvendit, i cili rrëzoi Poden si anëtarin më të ri të kësaj gjykate, deri në dhënien e vendimit përfundimtar për këtë çështje. Në objektin e saj, kërkesa e deputetëve opozitarë parashtron “interpretimin e pikës 1 të nenit 78 të Kushtetutës për shumicën e kërkuar në marrjen e vendimeve nga Kuvendi, përfshirë dhe dhënien ose jo të pëlqimit për dekretet e Presidentit të Republikës dhe, për rrjedhojë, interpretimin e pikës 1 të nenit 55 të rregullores së Kuvendit të dalë në zbatim të tij”. Gjithashtu deputetët e opozitës kërkojnë shfuqizimin si antikushtetues të vendimit të Kuvendit të Shqipërisë nr. 190, datë 16.06.2008 “Për mosdhënien e pëlqimit për emërimin e zotit Zamir Pode si anëtar i Gjykatës së Lartë” dhe vleftësimin e bazuar në Kushtetutë dhe në fakte të rezultatit dhe vendimit të shpallur në seancë plenare, menjëherë pas procesit të votimit nga sekretari i Kuvendit për procedurat dhe votimet për “dhënien e pëlqimit të Kuvendit për emërimin e zotit Zamir Poda si anëtar i Gjykatës së Lartë”. Në argumentimin e tyre, deputetët opozitarë i referohen procedurës së ndjekur nga Kuvendi dhe deklaratës së kryetarit të komisionit të votimit, Arjan Madhi, i cili pasi numëroi votat për Zamir Podën, e shpalli atë fitues me 65 vota, duke marrë në këtë mënyrë dhe pëlqimin e Kuvendit. Por rrëzimi i këtij votimi, sipas tyre, është bërë pas një deklarate publike në media jashtë seancës plenare, vetëm në cilësinë e deputetit të thjeshtë tashmë, pasi funksioni i tij si kryetar i komisionit të votimit kishte përfunduar. Madhi deklaroi pas votimit se Zamir Poda nuk ka marrë pëlqimin e Kuvendit, pasi ai duhej të kishte fituar 66 vota dhe jo 65. Kjo deklaratë jozyrtare e Madhit, sipas deputetëve socialistë, është pasqyruar edhe në procesverbalin e asaj seance, duke e konsideruar këtë deklaratë dhe rezultat zyrtar të votimit të seancës. Deputetët në kërkesën e tyre e konsiderojnë antikushtetues vendimin e Kuvendit, pasi është deformuar përmes deklaratave mediatike, të cilat janë marrë si zyrtare, vullneti i deputetëve të Kuvendit, të cilët me shumicë votash i dhanë pëlqimin Zamir Podës për të qenë anëtar i Gjykatës së Lartë, e drejtë sipas tyre i është hequr atij nga një anëtar i sekretariatit të Kuvendit. Duke bërë interpretimin e shumicës së votave të marra nga kandidati për anëtar të Gjykatës së Lartë, deputetët hedhin poshtë pretendimin e Arjan Madhit dhe të Kuvendit, se fituesi duhet të kishte marrë 66 vota dhe jo 65 sa mori. Opozitarët, nisur nga numri i deputetëve të pranishëm në seancë gjatë votimit, 130, ku vota e dy deputetëve ishte e pavlefshme, 65 pro, 62 kundër dhe 1 abstenim, kërkojnë që numri i votave të llogaritura të mos jetë 130, por 128, aq sa vota të vlefshme kanë qenë në kutinë e votimit. Në këtë mënyrë, sipas tyre, Poda ka marrë më shumë se gjysma e deputetëve, duke marrë kështu dhe pëlqimin zyrtar të Kuvendit.
“Kuvendi më dha pëlqimin zyrtar për në Gjykatën e Lartë”
Kandidati për anëtar në Gjykatën e Lartë, Zamir Poda, i është drejtuar Gjykatës Kushtetuese me një kërkesë të tijën përmes së cilës kërkon interpretimin e vendimit të Kuvendit, pas marrjes prej tij të pëlqimit pas një votimi që e nxori fitues. Poda i kërkon Gjykatës Kushtetuese të shfuqizojë si antikushtetues vendimin e Kuvendit nr. 190 të datës 16.06.2008 “Për mosdhënien e pëlqimit për emërimin e zotit Zamir Poda si anëtar i Gjykatës së Lartë” dhe vlerësimin si të bazuar në Kushtetutë dhe në fakte të rezultatit dhe vendimit të shpallur në seancë plenare menjëherë pas procesit të votimit nga sekretari i Kuvendit”. Kërkesa dhe argumentimi i kërkesës së juristit Poda është në të njëjtën linjë me atë të 28 deputetëve të opozitës, të cilët njëkohësisht i janë drejtuar me të njëjtin objekt Gjykatës Kushtetuese. “Interpretimi i bërë pas mbylljes së votimit për mosdhënien e pëlqimit për zotin Zamir Poda, bazuar në pikën 1 të nenit 55 të rregullores së Kuvendit është i gabuar, sepse kjo pikë e rregullores është në zbatim të pikës 1 të nenit 78 të Kushtetutës dhe si e tillë nuk mund ta tejkalojë atë”, shprehet juristi i njohur në kërkesën e tij. Juristi e konsideron të rrezikshëm precedentin që Kuvendi, pasi të shpallë në seancë plenare një vendim të tij, pas seancës sekretariati apo një anëtar i tij të vendosë ndryshimin e vendimit të Kuvendit, duke marrë në këtë mënyrë rolin e interpretuesit përfundimtar të rezultatit.
Aristir Lumezi
28 deputetë socialistë dhe të PSD-së kanë firmosur kërkesën e tyre, përmes së cilës i kërkojnë Gjykatës pezullimin e ekzekutimit të vendimit të Kuvendit, i cili rrëzoi Poden si anëtarin më të ri të kësaj gjykate, deri në dhënien e vendimit përfundimtar për këtë çështje. Në objektin e saj, kërkesa e deputetëve opozitarë parashtron “interpretimin e pikës 1 të nenit 78 të Kushtetutës për shumicën e kërkuar në marrjen e vendimeve nga Kuvendi, përfshirë dhe dhënien ose jo të pëlqimit për dekretet e Presidentit të Republikës dhe, për rrjedhojë, interpretimin e pikës 1 të nenit 55 të rregullores së Kuvendit të dalë në zbatim të tij”. Gjithashtu deputetët e opozitës kërkojnë shfuqizimin si antikushtetues të vendimit të Kuvendit të Shqipërisë nr. 190, datë 16.06.2008 “Për mosdhënien e pëlqimit për emërimin e zotit Zamir Pode si anëtar i Gjykatës së Lartë” dhe vleftësimin e bazuar në Kushtetutë dhe në fakte të rezultatit dhe vendimit të shpallur në seancë plenare, menjëherë pas procesit të votimit nga sekretari i Kuvendit për procedurat dhe votimet për “dhënien e pëlqimit të Kuvendit për emërimin e zotit Zamir Poda si anëtar i Gjykatës së Lartë”. Në argumentimin e tyre, deputetët opozitarë i referohen procedurës së ndjekur nga Kuvendi dhe deklaratës së kryetarit të komisionit të votimit, Arjan Madhi, i cili pasi numëroi votat për Zamir Podën, e shpalli atë fitues me 65 vota, duke marrë në këtë mënyrë dhe pëlqimin e Kuvendit. Por rrëzimi i këtij votimi, sipas tyre, është bërë pas një deklarate publike në media jashtë seancës plenare, vetëm në cilësinë e deputetit të thjeshtë tashmë, pasi funksioni i tij si kryetar i komisionit të votimit kishte përfunduar. Madhi deklaroi pas votimit se Zamir Poda nuk ka marrë pëlqimin e Kuvendit, pasi ai duhej të kishte fituar 66 vota dhe jo 65. Kjo deklaratë jozyrtare e Madhit, sipas deputetëve socialistë, është pasqyruar edhe në procesverbalin e asaj seance, duke e konsideruar këtë deklaratë dhe rezultat zyrtar të votimit të seancës. Deputetët në kërkesën e tyre e konsiderojnë antikushtetues vendimin e Kuvendit, pasi është deformuar përmes deklaratave mediatike, të cilat janë marrë si zyrtare, vullneti i deputetëve të Kuvendit, të cilët me shumicë votash i dhanë pëlqimin Zamir Podës për të qenë anëtar i Gjykatës së Lartë, e drejtë sipas tyre i është hequr atij nga një anëtar i sekretariatit të Kuvendit. Duke bërë interpretimin e shumicës së votave të marra nga kandidati për anëtar të Gjykatës së Lartë, deputetët hedhin poshtë pretendimin e Arjan Madhit dhe të Kuvendit, se fituesi duhet të kishte marrë 66 vota dhe jo 65 sa mori. Opozitarët, nisur nga numri i deputetëve të pranishëm në seancë gjatë votimit, 130, ku vota e dy deputetëve ishte e pavlefshme, 65 pro, 62 kundër dhe 1 abstenim, kërkojnë që numri i votave të llogaritura të mos jetë 130, por 128, aq sa vota të vlefshme kanë qenë në kutinë e votimit. Në këtë mënyrë, sipas tyre, Poda ka marrë më shumë se gjysma e deputetëve, duke marrë kështu dhe pëlqimin zyrtar të Kuvendit.
“Kuvendi më dha pëlqimin zyrtar për në Gjykatën e Lartë”
Kandidati për anëtar në Gjykatën e Lartë, Zamir Poda, i është drejtuar Gjykatës Kushtetuese me një kërkesë të tijën përmes së cilës kërkon interpretimin e vendimit të Kuvendit, pas marrjes prej tij të pëlqimit pas një votimi që e nxori fitues. Poda i kërkon Gjykatës Kushtetuese të shfuqizojë si antikushtetues vendimin e Kuvendit nr. 190 të datës 16.06.2008 “Për mosdhënien e pëlqimit për emërimin e zotit Zamir Poda si anëtar i Gjykatës së Lartë” dhe vlerësimin si të bazuar në Kushtetutë dhe në fakte të rezultatit dhe vendimit të shpallur në seancë plenare menjëherë pas procesit të votimit nga sekretari i Kuvendit”. Kërkesa dhe argumentimi i kërkesës së juristit Poda është në të njëjtën linjë me atë të 28 deputetëve të opozitës, të cilët njëkohësisht i janë drejtuar me të njëjtin objekt Gjykatës Kushtetuese. “Interpretimi i bërë pas mbylljes së votimit për mosdhënien e pëlqimit për zotin Zamir Poda, bazuar në pikën 1 të nenit 55 të rregullores së Kuvendit është i gabuar, sepse kjo pikë e rregullores është në zbatim të pikës 1 të nenit 78 të Kushtetutës dhe si e tillë nuk mund ta tejkalojë atë”, shprehet juristi i njohur në kërkesën e tij. Juristi e konsideron të rrezikshëm precedentin që Kuvendi, pasi të shpallë në seancë plenare një vendim të tij, pas seancës sekretariati apo një anëtar i tij të vendosë ndryshimin e vendimit të Kuvendit, duke marrë në këtë mënyrë rolin e interpretuesit përfundimtar të rezultatit.