Podgorice, protesta, plagosen 34 persona

Rreth 34 persona mes te cileve 23 police jane plagosur dje ne mbremje gjate protestave kunder njohjes se pavaresise se Kosoves ne Podgorice. Opozita organizoi nje proteste kunder vendimit te qeverise malazeze dhe kerkoi anulimin e tij.

Ministri i Brendshem i Malit te Zi, Jusuf Kallamperovic beri te ditur per mediat se policia u detyrua te ushtronte dhune ndaj protestuesve te cilet tentuan te sulmojne godinen e parlamentit.

“Policia patjeter eshte dashur te reagoje, pasi protestuesit kane qelluar me gure dhe mjete te tjera te forta dhe tentuan te sulmojne ndertesen e Parlamentit dhe godinat perreth”, u shpreh Kalamperovic.

Ajo qe ishte paralajmeruar si nje proteste e qete ka degjeneruar ne dhune. Policia per te mbrojtur godinen e qeverise ka perdorur gaz lotesjelles.

Kunder njohjes se Kosoves ka dale edhe kisha malazeze, qe ka kerkuar qe njohja e pavaresise te vendoset me referendum. Nga ana tjeter deputetet radikale kane kerkuar largimin e kryeministrit Gjukanovic dhe zgjedhje te parakohshme.

Sipas mediave lokale, situata pas protestes paraqitet e qete, ndersa forca te shumta policie po mbikeqyrin institucionet kryesore te vendit.