Pogradec, plackitet zyra postare, mister autoret

Bucimas- Persona ende te paidentifikuar kane plackitur duke zbardhur dita e djeshme Posten e fshatit Bucimas ne Pogradec, duke marre prej aty 120 mije leke dhe te gjitha dokumentacionet e zyres. Ngjarja eshte konstatuar nga punonjesit mengjesin e djeshem, qe me pas njoftuan policine vendore per kryerjen e veprimeve hetimore. Burime zyrtare bene me dije se nga keqyrja e kryer jane marre shenja gishterinjsh dhe pyetur punonjesit e zyres postare per veprimet qe kane kryer pasi kane mbyllur zyren. Autoret kane arritur te thyejne deren kryesore dhe te hyjne brenda pa u ndjere nga askush, ndersa ne kasaforte ndodheshin leket e pensioneve dhe veprimeve te tjera te kryera nga posta e fshatit. Policia dyshon se autoret qe kane marre 120 mije leket dhe dokumentacionet jane banore te fshatit qe kane qene ne dijeni te veprimeve te punonjeseve dhe sasise se lekeve qe gjendeshin aty. Policia e Pogradecit ka ngritur nje grup hetimor per kapjen e autoreve dhe zbardhjen e plackitjes se nje zyre postare. Per kete rast eshte hapur dosja hetimore nen akuzen e "vjedhjes", ndersa u shoqeruan disa te rinj te fshatit Bucimas ne cilesine e deshmitareve dhe per arsye verifikimi.