Pogradeci/ Liqenoret, financa e pergjysmuar
Ekipi pogradecar, brenda pak pak ditesh, ka luajtur tri ndeshje miqesore, dy prej te cilave me ekipe te kategorise superiore. "Na kane sherbyer per te pare futbollistet me te cilet do te luajme kete sezon", thote drejtori ekzekutiv i klubit liqenor Koci Gusho, qe duket se ka mbetur i kenaqur me ate cfare kane treguar te besuarit e trajnerit Ilir Medini. Ne takimin e nderprere me Teuten, ne kampin pogradecar, eshte pare dhe tiranasi Ervis Balla, qe ka luajtur me kete ekip edhe kampionatin e kaluar. "Nuk mund te them asgje per momentin nese Balla do te luaje edhe kete sezon me ekipin tone", thote Gusho, "ashtu sic nuk mund ta them kete as per Rustemin", i cili ka dite qe stervitet me pogradecaret. E gjithe kjo edhe per Gushon, ka te beje me zgjedhjen e presidentit te skuadres, pas perfundimit te mandatit ne krye te ekipit te kryetarit te bashkise Artan Shkembi. Megjithese Shkembi ka dite qe eshte rikthyer ne zyre pas pushimeve, askush s'te thote dicka se cili do jete per kete sezon presidenti i ekipit pogradecar. Nga burime te sigurta mesohet se presidenca pritet te zgjidhet pas mbledhjes se keshillit bashkiak, qe do te mbahet keto dite. Mbledhja e keshillit bashkiak do te vendose edhe per financen, qe do te kaloje per llogari te futbollit pogradecar. Per kampionatin e kaluar, keshilli bashkiak i qytetit, i dha kesaj skuadre me teper se 80 milione leke te vjetra, shume qe ka pak mundesi te vertetohet ne keto nivele edhe per kampionatin e ri. Gjithcka lidhet edhe me kerkesen e pogradecareve per te qendruar ne kategorine e pare, nderkohe qe vitin e kaluar kerkohej kategoria superiore. Ne keto kushte jane te gjitha gjasat qe ky nivel ekonomik, te jete shume i ulet edhe per futbollistet, qe do te luajne per liqenoret, cka pritet te ndodhe edhe me stafin teknik te skuadres. Kete e pranon edhe aksioneri i klubit Fidai Hoxha. Ai tha se "kjo prite te ndodhe, pasi kete sezon edhe bordi e ka bere te ditur se jo vetem do te luhet me futbolliste pogradecare, por akoma me tej kerkohet vetem qendrimi ne kategori te pare". Gjithsesi edhe per Hoxhen e mira e punes kerkon te vendoset se pari per shumen financiare qe do te jape bashkia per ekipin kete sezon dhe me pas te bisedohet me bordin e shoqerise aksionere per kerkesat, qe biznesmenet pogradecare kane ne sezonin e ri per ekipin e tyre.
TONIN FRROKU