Ndreu do te “deklaroje” ne fushe
Kane mbetur vetem dy jave nga fillimi i sezonit 2006 2007, por Kastrioti mezi pret. Krutanet kthehen ne Superiore pas nje mungese te gjate. Kane ndryshuar shume gjera, vec atyre qe arriten te benin realitet "kapercimin" e Kastriotit. Jane, duke filluar nga portieri Koci, edhe mbrojtesit Grami, Dushku. Mungojne qendermbrojtesi Turtulli dhe mbrojtesi Smajli. Mesfusha eshte e paprekur me Hasen, Rustamin, Turdiun e Tanushin, ndersa vija e sulmit mendohet te jete krejt ndryshe nga sezoni i kaluar. Pas largimit te Ivanajt, Progrit dhe Malokut, vija e sulmit per Kastriotin mbeti krejtesisht e boshatisur, por afrimet e lojtareve te tille si, Osusi, Ziambo, Aiua dhe Abazaj e kane riformuar ate, madje me cilesisht.
Ketij grupi mendohet se do t'i bashkohen edhe lojtare te tjere cilesore, nga fillimi i javes se ardhshme.
Ne nje kohe qe skuadra eshte ne perfundimin e muajit te dyte te pergatitjeve, trajneri Ndreu, per "Sport Ekspres" do te shprehej keshtu: "Skuadra qe une drejtoj eshte ne perfundimin e pergatitjeve intensive qe kemi zhvilluar pergjate kesaj kohe dhe besoj se ka ardhur edhe momenti qe te behet seleksionimi perfundimtar, per ata futbolliste qe do te perfaqesojne Kastriotin ne edicionin e ardhshem. E kam deklaruar edhe me pare per gazeten tuaj se, ne ekip ka shume futbolliste cilesore dhe per mua do te jete disi e veshtire per te bere perzgjedhjen e tyre. Momentalisht", thekson Ndreu, "ne nje skuader qe ka konkurence pritet qe te kete edhe rezultate pozitive dhe pikerisht per kete ne i kemi vene objektiva vetes". Se cili eshte ky objektiv, Ndreu nuk e shpall, por thote: "E rendesishme eshte qe skuadra vazhdon te stervitet me mjaft perkushtim. Rezultatet e objektivat nuk vijne nga deklarata qe mund te jape nje trajner apo futbollist, por nga cka jep skuadra ne fushen e lojes. Eshte aty qe ia vlen te deklarosh", perfundon Ndreu.
Sot, Kastrioti do te luaje nje miqesore ne Durres me Teuten.
Behar Sallaku