Policet debitoret me te medhenj te shtetit per taksat e makinave

TIRANE - Punonjesit e Policise se Shtetit rezultojne te jene debitoret me te medhenj ne shtet persa i perket pajisjes me dokumente te makinave dhe pagimit se taksave vjetore. Nese te gjithe shqiptaret paguajne detyrimet e tyre vjetore ata qe duhet te jene te paret per respektimin e ligjit jane te paret qe e shkelin ate. Prej policeve te thjeshte e deri te rrugoret qe vene gjobat ndaj shofereve per mosplotesimin e dokumenteve jane ata qe e shkelin ligjin. Jo rralle ne rruget e Tiranes udhetojne efektive policie te cilet levizin me makina pa dokumente dhe pa paguar asnje takse. Ndersa ne rrethe realiteti eshte me i zymte pasi makinat personale qe jane ne perdorim te uniformave blu jane me te shumta dhe gati te gjitha pa dokumente.
Perplasja
Problemi i policive qe udhetojne me makina pa dokumente dhe pa paguar detyrimet ka dale gjate ne nje takimi mes drejtuesve te Policise dhe Ministrise se Financave. Nje zyrtar i larte i Ministrise se Financave ka bere te ditur se policia dhe efektivet e saj kane nje shume te madhe parash afersisht 10 miliarde te taksave te papaguara gjate gjithe viteve te tranzicionit. Grumbullimi i kesaj shume te madhe ka ardhur vit pas viti kur efektivet e policise perdornin makina personale pa dokumente dhe pa asnje lloj dokumenti rrjedhimisht duke mos paguar asnje detyrim ndaj shtetit. E jane pikerisht keta persona qe i ndeshkojne qytetaret per mosrespektimin e ligjeve dhe mospagimin e taksave vjetore te percaktuara ne legjislacionin shqiptar. Ky fakt u theksua dhe pak muaj me pare gjate nje takimi me perfaqesues nderkombetare ne lidhje me sigurine ne rruge dhe aksidentet. Ish-ambasadori i KE-se Lohan deklaroi gjate takimit se ne Shqiperi qarkullonin shume makina pa targa ose me targa te huaja dhe shumica prej tyre ishin ne pronesi te efektiveve te policise. Edhe pse me pak vonese por reagimi erdhi. Nje urdher i drejtorit te Policise se Shtetit Hysni Burgaj i shperndare ne muajin gusht sillte ne vemendje kete problem. Njekohesisht Burgaj urdheronte per bllokimin e te gjitha makinave pa targa dhe dokumente qe ishin ne pronesi te policeve.
Zbatimi
Me te ardhur data 1 shtator filloi dhe aksioni i policise per bllokimin e makinave te parregullta ne pronesi te policeve. Per te bere te mundur kete gje mesohet se jane ngritur disa grupe kontrolli task-forca. Keta te fundit ne ore te ndryshme gjenden ne terren dhe kontrollojne makina te ndryshme dhe nese ndonjera prej tyre rezulton pa dokumente dhe eshte ne pronesi te nje efektivi policie bllokohet menjehere. Sigurisht edhe makinat pa dokumente te qytetareve te thjeshte bllokohen menjehere. Sipas burimeve te policise makinat e uniformave blu qe bllokohen perfundojne ne pikat e grumbullimit. Per terheqjen e tyre dhe policet duhet te ndjekin te njejten procedure qe behet per cdo qytetar. Ata duhet te presin dokumentet e makines dhe me pas te paguajne dhe qirane e ruajtjes se mjetit gjate diteve te bllokimit. Nese nje efektiv policie nuk e ben kete procedure brenda harkut kohor te percaktuar makina e tij perfundon ne ankand.

Urdhri i Burgajt
Nga 1 shtatori te gjithe punonjesit e policise te cilet nuk kane dokumentacion te rregullt te mjeteve te tyre jane tmerruar pasi radha ka ardhur tek ata per te qene objekt i punes se Policise Rrugore. Urdhri i dale nga kreu i Policise ka te beje pikerisht me mjetet e tyre. Ne te cilesohet se punonjesit e policise te cilet nuk kane dokumentacion te rregullt per mjetet e tyre duhet te pajisen me keto letra para dates 1 shtator. Nese nuk realizohet kjo atehere makinat e tyre do te sekuestrohen. Sipas te dhenave Burgaj ka shtuar se detyra per kontrollin e zbatimit te ketij urdhri i ngarkohet Patrulles se Pergjithshme te Policise se Shtetit dhe Drejtorise se Policise Rrugore. Punonjesit e ketyre dy strukturave duhet te ndalojne cdo mjet qe qarkullon me targa te huaja dhe pavaresisht se ata mund te prezantohen si kolege te tyre nese nuk kane dokumentacion te rregullt per makinat atehere ato do te sekuestrohen dhe do te ndiqet procedura ligjore si per te gjithe shtetasit e tjere.

Reagimi i policeve
Sipas tyre makinat e tyre personale qe ne te shumten e rasteve jane me targa te huaja perdoren qe nga thirrjet urgjente per tu paraqitur ne detyre vezhgimi i kontingjentit kriminal ne terren ndjekja e personave apo grupeve te ndryshme kriminale e deri te dergimi ne banese te efektivave qe banojne larg vendit te punes. Te gjitha keto detyrime sipas ligjeve ne fuqi duhet te plotesohen nga buxheti i policise. Por efektivet e policise shprehen se sic ndodh rendom ne kete vend kerkohet vetem vjelja e taksave dhe nuk kujtohet asnje per venien ne dispozicion te sherbimeve te fituara me ligj.

Kodi rrugor
Sipas Kodit Rrugor te gjitha mjetet qe qarkullojne ne territorin shqiptar duhet te jene te pajisura me dokumentacion te rregullt qe nga zhdoganimi pagimi i taksave dhe pajisja me targa te vendit tone. Nje fakt i tille nuk eshte verejtur ne radhet e policise. Madje shkak i ketij urdhri jane bere ankesat e shumta te qytetareve qe jane drejtuar ne institucionin e policise. Shpeshhere qytetaret jane perballur me patrulla policie qe perdornin mjete me targa te huaja dhe jo mjete policie dhe nga ana tjeter kerkonin zbatimin e Kodit Rrugor nga ana e tyre. Sipas te dhenave ky absurditet ka e shtyre kreun e Policise te leshoje nje urdher te tille.

3 Shtator 2010