Policia: Nuk ishte e nevojshme forca, pasi rezistenca ishte teper minimale
TIRANE - Policia nuk ka ushtruar dhune ndaj personave qe kane tubuar para selise se Kuvendit. Tubimi behet ne mbeshtetje te 10 deputeteve te partive te vogla parlamentare, qe prej kater ditesh po zhvillojne nje greve ne sallen e seancave plenare, ne shenje proteste ndaj Kodit te ri Zgjedhor. Burime zyrtare te Policise se Shtetit, bene te ditur dje, se "Drejtoria e Policise se Qarkut Tirane, me fillimin e grumbullimit te tubuesve me date 10, 11, dhe 12 nentor 2008, ne rrugen "Xhorxh Bush", ka marre masat per sigurimin e rendit publik, duke bashkepunuar me Garden e Republikes". Sipas tyre, drejtues te Policise se Tiranes jane takuar me organizatoret dhe drejtuesit e tubimit, duke i bere me dije se ky tubim bie ne kundershtim me aktet ligjore. Personave pjesemarres ne tubim, sqaron policia, u eshte kerkuar respektimi i ligjit "per tubimet", por ata kane vazhduar te qendrojne perballe hyrjes kryesore te Kuvendit te Shqiperise, gje qe cenon rende sigurine e ketij institucioni, i cili ruhet dhe sigurohet nga forcat e Gardes se Republikes. Keto te fundit pervec ruajtjes se objektit, pergjigjen dhe per ruajtjen e sigurimin gjate levizjes se personaliteteve te larta shteterore . Me daten 12 nentor vijon burimi zyrtar, protestuesit kane instaluar nje cader ne ambientet ku zhvillojne tubimin, duke bllokuar teresisht dhe ne menyre permanente, levizjen e lire te qytetareve dhe te mjeteve. "Ndodhur ne keto kushte, pas paralajmerimeve te herepashershme dhe komunikimit me drejtuesit e protestes, rreth ores 23.30 te dites se djeshme, policia ka nderhyre per te liruar ambientet publike, duke cmontuar cadren e vendosur ne rruge", thane burimet zyrtare te Policise se Shtetit, te cilat sqaruan se "nuk eshte ushtruar dhune ndaj protestuesve, pasi rezistenca ka qene minimale". A. Cena