Protestuesit "rrethojne" Kuvendin
Paraditja e djeshme e ka gjetur godinen e parlamentit shqiptar te "rrethuar" nga protestuesit, perfaqesues te partive te cilet kane te ngujuar ne greve urie deputetet e tyre. Permes thirrjeve per voten e lire, ironizimeve per deputetet e PS me shume, por dhe te PD, protestuesit jane pozicionuar per te bere dhe thirrjet e radhes. Ne pauzat mes thirrjeve dhe deklaratave, kenga "Per ty atdhe", e te madhit Mentor Xhemali, eshte degjuar gjate tere paradites se djeshme. E cila here-here perzihej me fjalimet e kreut te LSI, Meta por dhe intervistave te tij, qe jepeshin direkt nepermjet altoparlanteve. Qe ne oren tete te mengjesit, rreth dy ore perpara orarit zyrtar per nisjen e seances plenare, protestuesit kane dale ne shesh te rrethuar me dhjetera police perpara tyre. Ne mbeshtetje te protestuesve nga Tirana, kane ardhur edhe protestues nga rrethe te tjera te vendit. Protesten paqesore e kane mbeshtetur edhe deputete te tjere te Kuvendit, te cilet madje jane afruar per t'u pershendetur me turmen, duke thyer edhe radhet e forcave te policise. Keshtu deputetet Dritan Prifti, Spartak Ngjela, Nikolle Lesi, Gilman Bakalli, Luan Memushi, analistet Artur Zheji dhe Andrea Stefani, politikane dhe drejtues te forcave politike, LSI, PDK dhe PS '91 pershendeten protestuesit, duke u solidarizuar plotesisht me deputetet ne greve urie. Deputeti Ngjela deklaroi se gjate fjales se tij pas takimit me protestuesit se deputetet greviste luftojne per nje nga te drejtat me elementare te shqiptareve sot, qe eshte e drejta e votes, e cila kerkohet te kontrollohet padrejtesisht nga dy drejtues politike barbare. Po keshtu deputeti Lesi deklaroi se Edi Rama dhe Sali Berisha kane perballe Ilir Meten, i cili aty vdes, por nuk tradhton ate kauze te rendesishme qe ka marre ne mbeshtetje te lirise dhe demokracise per te gjithe shqiptaret. Protestuesit u shperndane, pas me shume se tre oresh diten e djeshme, ne nje kohe kur perfundoi edhe seanca plenare, e cila u zhvillua normalisht ndonese brenda saj ndodheshin edhe 9 deputetet greviste. Fatjona Mejdini