Seanca, me dy podiume, greviste dhe qeveritare

Kuvendi zhvilloi dje punimet ne nje seance te pazakonte plenare. Deputetet moren persiper te hyjne ne salle edhe pse ajo po shfrytezohet si ambient greve nga deputetet greviste, qe nuk pajtohen me dispozitat e reja te Kodit Zgjedhor. Seanca e cila duhej te niste ne oren 10:00 te paradites, u cel vetem dy ore me vone, pasi nje e nga nje, ligjvenesit qe nuk pajtohen me greven munden te hyjne ne salle. Iniciativen, per te hyre te paret ne ambientet e brendshme te greves, e moren deputetet Gilman Bakalli e Spartak Ngjela qe njihen si mbeshtetes te protestes. Me gjithe revolten e deputeteve ne greve, pas dy oresh seanca plenare nisi me nje podium te dyte, pervec atij qe rrine anetaret e Keshillit te Ministrave. Dhe kjo vetem pasi Grupi i PS zhvilloi nje mbledhje. Grevistet vune karriget e qendruan pa levizur para vendit kur rrine ministrat deri ne mbyllje te seances me parullen "Vota eshte e shenjte". Sapo hyri ne seance, kryetarja Topalli, u dha doren te gjithe grevisteve dhe i pyeti per shendetin. Nderkohe qe perballe ligjvenesve qendronin te pa rruar dhe nje pjese te veshur thjeshte, deputetet greviste. Reagime erdhen vetem nga deputete te tjere te partive te vogla, mes te cileve Ndokaj e Gjini, por dhe te pavarur si Spartak Ngjela, si dhe socialisti Memushi, qe mbeshtesin protesten, greven e urise. "Ju bej thirrje te gjithe shtresave qe jane te vuajtura, te gjithe atyre qe iu eshte marre prona, qe te vijne ketu per voten e lire. Ne ecim perpara, drejt rivendosjes", beri thirrje Ngjela gjate debatit te lire ne oren e pare. Sipas tij, grevistet kane shume te drejte, sepse kerkohet te vijohet me dy standarde. Mbi debatin e nisur, nuk mundi te mos reagoje dhe nenkryetari i grupit socialist, Erion Brace. Ai vleresoi se e drejta e greves eshte e kujtdo, perfshire dhe e deputeteve, duke mohuar marreveshje mes PD e PS, e argumentuar kjo me akuzat e forta ne drejtim te familjes se Berishes. Por sqaroi se selia roze ne hartimin e Kodit Zgjedhor u perfshi me synimin e vetem per te respektuar te gjitha normat dhe kriteret demokratike, te rekomanduara nga nderkombetaret. Ndersa zedhenesi i greves, Dritan Prifti duke mbeshtetur greven per voten e lire, akuzoi se PD e PS sollen ne komision nje kod qe ndryshon perberjen ne numer te komisioneve, ne favor te dy partive te medha. Po keshtu deputeti Nikolle Lesi i kerkoi kryeministrit Berisha, te marre persiper fatin e Kodit Zgjedhor. "Opozita eshte e percare. Ju nuk e meritoni te vini ne pushtet edhe per kater vjet te tjera me kete percarje qe keni", tha Lesi. Rozeta Rapushi

Miratimi

Greva e urise ne sallen e Parlamentit, nuk pengoi aspak deputetet e tjere te vijojne normalisht punimet e seances plenare. Perkundrazi, nen drejtimin e kryetares Jozefina Topalli, Kuvendi miratoi dhe rendin e dites se djeshme, ndonese ne nje situate te pazakonte, me 10 deputete greviste qe ishin para vendeve ku qendrojne ministrat.