Politika voton, Nishani: Sot dita e qytetarëve, votoni me maturi e qetësi
TIRANE – Presidenti i Republikës, Bujar Nishani, kryeministri Berisha, kryeparlamentarja Topalli, kryebashkiaku i Tiranës Lulzim Basha dhe liderët e partive politike u bënë apel qytetarëve që të ushtrojnë të drejtën e votës me qetësi e maturi.
Nishani: Kjo është dita e qytetarëve. Berisha pas votimit: Ta shndërrojmë këtë ditë në ditë festë dhe mirëkuptimi. Basha: Votoni pasivisht në mënyrë civile. Topi: Urojmë që Shqipëria ta kalojë këtë provë me sukses. Idrizi- qytetarëve: Kjo ditë nuk duhet të na ndajë. Spahiu: Sot të flasin qytetarët.
AK, SPAHIU: SOT TË FLASIN QYTETARËT, TË HESHTIM NE
Ora 12:30- Ka votuar sot në Tiranë edhe kreu i Aleancës Kuq e Zi, Kreshnik Spahiu. Ai e ka hedhur votën e tij paraditen e sotme në orën 09.00 tek shkolla "Pjetër Budi" në Tiranë. Në një koment të shkurtër për mediat ai ka thënë se sot fjala i takon qytetarëve.
“Sot le të flasin shqiptarët le të heshtim ne. Ta bëjmë atë parlament që për 23 vite nuk u çua asnjëherë në këmbë të këndojë himnin e flamurit”, tha ai.
TOPI: UROJMË QË SHQIPERIA TA KALOJË KËTË PROVË ME SUKSES
Ora 11:50 - Kryetari i Partisë Fryma e Re Demokratike, Bamir Topi i shoqëruar nga bashkëshortja votoi rreth orës 11.50 në qendrën e votimit të vendosur në shkollën 9-vjeçare "Servete Maçi". Pas votimit, kreu i FRD-së apeloi qytetarët për maturi dhe ftoi ata të ushtrojnë të drejtën e votës, për të ardhmen e tyre dhe të fëmijëve të tyre.
"Është një moment që shoqëria shqiptare të vendosë në qetësi. Votoni në qetësi, për të ardhmen tuaj dhe jo për interesa meskine të politikanëve. Nuk duhet të jetë ditë konflikti por ditë feste. Urojmë që Shqipëria ta kalojë këtë provë me sukses", theksoi Topi, ndërsa dënoi incidentin e rëndë të ndodhur në një qendër votimi në Laç, qarku Lezhë.
“Jam i dëshpëruar për episodin e Laçit. Njerëzit nuk duhet të shkojnë tek dominimi i pushtetit për interesa personale. Kam bindje absolute, ajo që ka ndodhur në Laç, është produkt i një politike të vjetër. Këtë ka prodhuar politika. Këtë po bën dhe sot. Njerëzit janë të prirur të shkojnë pas partive politike, por kur është një politikë e egër dhe ka individë që gjatë gjithë kohës kanë pjellë këtë lloj politike, shoqëria duhet të bëjë një analizë dhe t'i japë fund këtij tranzicioni”,- u shpreh Topi.
VOTON KREU I PDIU, IDRIZI- QYTETARËVE: KJO DITË NUK DUHET TË NA NDAJË
Ora 11:45 - Kryetari i Partisë Drejtësi, Integrim dhe Unitet, Shpëtim Idrizi, ka votuar në kryeqytet, nga ku ka bërë thirrje për një votim masiv nga të gjithë qytetarët shqiptarë.
Sipas Idrizit, sot nuk është dita që shqiptarët të përçahen, pasi siç u shpreh ai, kombi ynë ka pasur pafundësisht padrejtësi historike.
“Uroj që sot të jetë një ditë e mbarë për të gjithë shqiptarët dhe i ftoj që të votojnë masivisht për verdiktin e tyre dhe të mbetemi miq mes njëri tjetrit” – u shpreh Idrizi.
Ai i bëri thirrje qytetarëve “që të votojnë për drejtësinë e këtij vendi, integrimin evropian dhe për unitetin dhe të gjithë atë energji pozitive për të cilën kemi nevojë”.
I pyetur se si e vlerëson procesin zgjedhor deri në mesditë, Idrizi u shpreh se kjo ditë nuk duhet të na ndajë.
“Ne sot votojmë deri në orën 19:00 dhe më pas do të jemi të gjithë miq. Kjo është energjia pozitive që duhet t’i transmetojmë njëri tjetrit dhe për të cilën kemi nevojë. Shqiptarët gjithmonë e kanë treguar se janë qytetarë evropianë dhe i ftoj që politika të mos i ndajë në ditën e sotme. Të shkojmë drejt një Shqipërie evropiane, drejt një qytetërimi të cilit edhe i përkasim prej mijëra vjetësh” – theksoi Idrizi.
SHKODER, TOPALLI: VOTOVA PER NUMRIN 44, PER NJE SHQIPERI EUROPIANE
Ora 11:43- Kryetarja e Parlamentit dhe nënkryetare e Partisë Demokratike, Jozefina Topalli, votoi sot rreth orës 10.00 në qytetin e Shkodrës. Ashtu si edhe në zgjedhjet e mëparshme, e shoqëruar nga familja e saj, bashkëshorti së bashku me dy fëmijët, ajo votoi në qendrën e votimit numër 306/1 me vendndodhje pranë Fakultetit të Gjuhëve të Huaja të Universitetit “Luigj Gurakuqi” të Shkodrës.
“Unë sapo kam votuar numrin 44 me emrin e Sali Berishës, votova për mirëqënien e Shqipërisë, votova për një Shqipëri europiane, votova për një Shqipëri të sigurt dhe me punësim sa më të lartë. Jam e sigurt se qytetarët e Shkodrës, por edhe të gjithë banorët e këtij qarku dhe çdo shqiptar do të dijnë të marrin vendimin më të mirë për një Shqipëri të zhvilluar në këtë ditë të rëndësishme", u shpreh Topalli, në prononcimin e saj për mediat pas përfundimit të procesit të votimit.
PRESIDENTI NISHANI: KJO ËSHTË DITA E QYTETARËVE, VOTONI ME MATURI E QETËSI
Ora 10:30 - Presidenti i Republikës, Bujar Nishani hodhi votën e tij në qendrën 17 66/2 në shkollën “Andon Zako Cajupi”, shoqëruar nga bashkëshortja e tij Odeta dhe djali i tyre, që voton për herë të parë.
Kreu i shtetit theksoi se kjo ditë u takon tërësisht qytetarëve. Presidenti përsëriti apelin e tij për ushtrimin e të drejtës së votës, duke shprehur bindjen se shqiptarët do të tregojnë maturi, qetësi e përgjegjësi civile në këtë proces.
“Së pari dëshiroj të uroj një ditë të mbarë për të gjithë shqiptarët. Dëshiroj një mbarësi për të gjithë procesin. Sot është një ditë e rëndësishme, është dita tërësisht e qytetarëve. Jam i bindur që shqiptarët do të tregojnë maturi, përgjegjësi civile duke marrë pjesë në votime, duke respektuar rregullat e votimit, komisionerët dhe administratën zgjedhore. Duke respektuar rendin, veçanërisht në qendrat e votimit. U drejtoj një apel të gjithë qytetarëve të vendit, partitë dhe ideologjitë që votojmë janë të ndryshme, por Shqipëria për të cilën votojmë është vetëm një. Zgjedhjet zhvillohen për të nxjerrë një qeverisje që do të kujdeset për jetën e qytetarit”,- deklaroi Nishani.
Kreu i shtetit uroi të gjithë të rinjtë që votojnë për herë të parë, duke kujtuar se edhe djali i tij e hodhi votën për herë të parë.
VOTON KRYEMINISTRI BERISHA: TA SHNDËRROJMË KËTË DITË NË DITË FESTE DHE MIRËKUPTIMI
Ora 09:44 - Kryeministri Sali Berisha, i shoqëruar nga bashkëshortja e tij Liri Berisha, iu drejtua qendrës së votimit në “Liceun Artistik” rreth orës 09:44. Pasi hodhi fletën në kutinë e votimit, kryeministri Berisha u ndal përpara gazetarëve, duke u bërë thirrje qytetarëve që të demonstrojnë në këto votime vlerat e tyre qytetare. Kryeministri u bëri apel të gjithë anëtarëve, simpatizantëve dhe mbështetësve të PD-së që të bëjnë gjithçka për ta shndërruar këtë ditë në festë dhe në ditë mirëkuptimi.
Lideri i PD-së ftoi qytetarët që të ushtrojnë të drejtën e votës, duke i siguruar ata se çdo votë do të respektohet plotësisht.
“Votova 44, preka fatin. Ftoj të gjithë shqiptarët të marrin pjesë në votime, të votojnë në mënyrën më të qytetëruar. Të votojnë për alternativën që gjykojnë më të mirë. I siguroj se vota e tyre do të respektohet plotësisht. Këto zgjedhje janë përcaktuese për katër vitet që vijnë, për mirëqenien e tyre, për integrimin, punësimin. Falenderoj me mirënjohjen më të thellë emigrantët shqiptarë që kanë ardhur nga të katër anët e botës, për të votuar sot për Shqipërinë e katër viteve që vijnë”,- deklaroi kryeministri Berisha.
BASHA: VOTONI MASIVISHT E NË MËNYRË CIVILE
Rreth orës 10:00 ka votuar në qendrën e votimit të ngritur tek çerdhja nr.13 në kryeqytet edhe kryebashkiaku, Lulzim Basha. Pasi ka hedhur votën, Basha i ka bërë apel qytetarëve të Tiranës të votojnë pasivisht e në mënyrë civile.
“Falenderoj qytetarët e Tiranës për kontributin dhe mënyrën si e përcollën këtë fushatë. Uroj që procesi zgjedhor të vazhdojë me të njejtin shpirt festiv e civil dhe që qytetarët të marrin pjesë masivisht në të, që të vazhdohet me vepra të mira”, tha Basha.
Më tej kryebashkiaku Basha i bëri thirrje komisionarëve dhe vëzhguesve “të vazhdojnë administrimin e procesit në përputhje me ligjin, të dëgjohet zëri i cdo qytetari në cdo qendër votimi”.
Në lidhje me incidentin në Lac, Basha u shpreh se nuk kishte informacione.
TIRANË, PRITET VOTIMI I LIDERËVE TË POLITIKËS, JA QV-TË KU VOTOJNË
Ora: 08:53 - Procesi i votimit nisi në orën 07:00 në pothuajse të gjitha qendrat e votimit, ashtu siç ishte parashikuar. Ndërkohë pritet që të votojnë edhe krerët më të lartë të shtetit, por edhe kryetarët e partive kryesore në vend.
Kështu, mësohet se Presidenti i vendit Bujar Nishani pritet të votojë në orën 10.00 në qendrën e votimit 1766/2 në shkollën e mesme “Andon Zako Cajupi” në Tiranë. Kreu i së djathtës, Sali Berisha do të votojë në qendrën e votimit ngritur tek “Liceu Artistik” rreth orës 10.00, pasi në këtë orar pritet edhe takimi i zotit Berisha me kryesuesin e delegacionin AD HOC të Parlamentit Europian, Eduard Kukan.
Ndërsa lideri i së majtës, Edi Rama pritet të votojë në shkollën “Pjetër Budi". Pasi të hedhin votën e tyre, drejtuesit politikë, pritet të bëjnë edhe deklaratat e para në lidhje me procesin e zgjedhjeve.
Kreu i LSI-së Ilir Meta pritet të votojë në njësinë 5 në kopshtin numër 10 te ish-blloku, ndërsa kreu i FRD-së Bamir Topi pritet të votojë në shkollën "Servete Maçi" në Tiranë. Lideri i Aleancës Kuq e Zi, Kreshnik Spahiu pritet të votojë në orën 9.00 në shkollën “Pjetër Budi”.
(vijon)
(er.nu/ma.ar/BalkanWeb) Lidhje te tjera VIDEO: Voton kryeministri Berisha: Ta shndërrojmë këtë ditë në ditë feste dhe mirëkuptimi VIDEO: Nishani: Sot dita e qytetarëve, votoni me maturi e qetësi
Nishani: Kjo është dita e qytetarëve. Berisha pas votimit: Ta shndërrojmë këtë ditë në ditë festë dhe mirëkuptimi. Basha: Votoni pasivisht në mënyrë civile. Topi: Urojmë që Shqipëria ta kalojë këtë provë me sukses. Idrizi- qytetarëve: Kjo ditë nuk duhet të na ndajë. Spahiu: Sot të flasin qytetarët.
AK, SPAHIU: SOT TË FLASIN QYTETARËT, TË HESHTIM NE
Ora 12:30- Ka votuar sot në Tiranë edhe kreu i Aleancës Kuq e Zi, Kreshnik Spahiu. Ai e ka hedhur votën e tij paraditen e sotme në orën 09.00 tek shkolla "Pjetër Budi" në Tiranë. Në një koment të shkurtër për mediat ai ka thënë se sot fjala i takon qytetarëve.
“Sot le të flasin shqiptarët le të heshtim ne. Ta bëjmë atë parlament që për 23 vite nuk u çua asnjëherë në këmbë të këndojë himnin e flamurit”, tha ai.
TOPI: UROJMË QË SHQIPERIA TA KALOJË KËTË PROVË ME SUKSES
Ora 11:50 - Kryetari i Partisë Fryma e Re Demokratike, Bamir Topi i shoqëruar nga bashkëshortja votoi rreth orës 11.50 në qendrën e votimit të vendosur në shkollën 9-vjeçare "Servete Maçi". Pas votimit, kreu i FRD-së apeloi qytetarët për maturi dhe ftoi ata të ushtrojnë të drejtën e votës, për të ardhmen e tyre dhe të fëmijëve të tyre.
"Është një moment që shoqëria shqiptare të vendosë në qetësi. Votoni në qetësi, për të ardhmen tuaj dhe jo për interesa meskine të politikanëve. Nuk duhet të jetë ditë konflikti por ditë feste. Urojmë që Shqipëria ta kalojë këtë provë me sukses", theksoi Topi, ndërsa dënoi incidentin e rëndë të ndodhur në një qendër votimi në Laç, qarku Lezhë.
“Jam i dëshpëruar për episodin e Laçit. Njerëzit nuk duhet të shkojnë tek dominimi i pushtetit për interesa personale. Kam bindje absolute, ajo që ka ndodhur në Laç, është produkt i një politike të vjetër. Këtë ka prodhuar politika. Këtë po bën dhe sot. Njerëzit janë të prirur të shkojnë pas partive politike, por kur është një politikë e egër dhe ka individë që gjatë gjithë kohës kanë pjellë këtë lloj politike, shoqëria duhet të bëjë një analizë dhe t'i japë fund këtij tranzicioni”,- u shpreh Topi.
VOTON KREU I PDIU, IDRIZI- QYTETARËVE: KJO DITË NUK DUHET TË NA NDAJË
Ora 11:45 - Kryetari i Partisë Drejtësi, Integrim dhe Unitet, Shpëtim Idrizi, ka votuar në kryeqytet, nga ku ka bërë thirrje për një votim masiv nga të gjithë qytetarët shqiptarë.
Sipas Idrizit, sot nuk është dita që shqiptarët të përçahen, pasi siç u shpreh ai, kombi ynë ka pasur pafundësisht padrejtësi historike.
“Uroj që sot të jetë një ditë e mbarë për të gjithë shqiptarët dhe i ftoj që të votojnë masivisht për verdiktin e tyre dhe të mbetemi miq mes njëri tjetrit” – u shpreh Idrizi.
Ai i bëri thirrje qytetarëve “që të votojnë për drejtësinë e këtij vendi, integrimin evropian dhe për unitetin dhe të gjithë atë energji pozitive për të cilën kemi nevojë”.
I pyetur se si e vlerëson procesin zgjedhor deri në mesditë, Idrizi u shpreh se kjo ditë nuk duhet të na ndajë.
“Ne sot votojmë deri në orën 19:00 dhe më pas do të jemi të gjithë miq. Kjo është energjia pozitive që duhet t’i transmetojmë njëri tjetrit dhe për të cilën kemi nevojë. Shqiptarët gjithmonë e kanë treguar se janë qytetarë evropianë dhe i ftoj që politika të mos i ndajë në ditën e sotme. Të shkojmë drejt një Shqipërie evropiane, drejt një qytetërimi të cilit edhe i përkasim prej mijëra vjetësh” – theksoi Idrizi.
SHKODER, TOPALLI: VOTOVA PER NUMRIN 44, PER NJE SHQIPERI EUROPIANE
Ora 11:43- Kryetarja e Parlamentit dhe nënkryetare e Partisë Demokratike, Jozefina Topalli, votoi sot rreth orës 10.00 në qytetin e Shkodrës. Ashtu si edhe në zgjedhjet e mëparshme, e shoqëruar nga familja e saj, bashkëshorti së bashku me dy fëmijët, ajo votoi në qendrën e votimit numër 306/1 me vendndodhje pranë Fakultetit të Gjuhëve të Huaja të Universitetit “Luigj Gurakuqi” të Shkodrës.
“Unë sapo kam votuar numrin 44 me emrin e Sali Berishës, votova për mirëqënien e Shqipërisë, votova për një Shqipëri europiane, votova për një Shqipëri të sigurt dhe me punësim sa më të lartë. Jam e sigurt se qytetarët e Shkodrës, por edhe të gjithë banorët e këtij qarku dhe çdo shqiptar do të dijnë të marrin vendimin më të mirë për një Shqipëri të zhvilluar në këtë ditë të rëndësishme", u shpreh Topalli, në prononcimin e saj për mediat pas përfundimit të procesit të votimit.
PRESIDENTI NISHANI: KJO ËSHTË DITA E QYTETARËVE, VOTONI ME MATURI E QETËSI
Ora 10:30 - Presidenti i Republikës, Bujar Nishani hodhi votën e tij në qendrën 17 66/2 në shkollën “Andon Zako Cajupi”, shoqëruar nga bashkëshortja e tij Odeta dhe djali i tyre, që voton për herë të parë.
Kreu i shtetit theksoi se kjo ditë u takon tërësisht qytetarëve. Presidenti përsëriti apelin e tij për ushtrimin e të drejtës së votës, duke shprehur bindjen se shqiptarët do të tregojnë maturi, qetësi e përgjegjësi civile në këtë proces.
“Së pari dëshiroj të uroj një ditë të mbarë për të gjithë shqiptarët. Dëshiroj një mbarësi për të gjithë procesin. Sot është një ditë e rëndësishme, është dita tërësisht e qytetarëve. Jam i bindur që shqiptarët do të tregojnë maturi, përgjegjësi civile duke marrë pjesë në votime, duke respektuar rregullat e votimit, komisionerët dhe administratën zgjedhore. Duke respektuar rendin, veçanërisht në qendrat e votimit. U drejtoj një apel të gjithë qytetarëve të vendit, partitë dhe ideologjitë që votojmë janë të ndryshme, por Shqipëria për të cilën votojmë është vetëm një. Zgjedhjet zhvillohen për të nxjerrë një qeverisje që do të kujdeset për jetën e qytetarit”,- deklaroi Nishani.
Kreu i shtetit uroi të gjithë të rinjtë që votojnë për herë të parë, duke kujtuar se edhe djali i tij e hodhi votën për herë të parë.
VOTON KRYEMINISTRI BERISHA: TA SHNDËRROJMË KËTË DITË NË DITË FESTE DHE MIRËKUPTIMI
Ora 09:44 - Kryeministri Sali Berisha, i shoqëruar nga bashkëshortja e tij Liri Berisha, iu drejtua qendrës së votimit në “Liceun Artistik” rreth orës 09:44. Pasi hodhi fletën në kutinë e votimit, kryeministri Berisha u ndal përpara gazetarëve, duke u bërë thirrje qytetarëve që të demonstrojnë në këto votime vlerat e tyre qytetare. Kryeministri u bëri apel të gjithë anëtarëve, simpatizantëve dhe mbështetësve të PD-së që të bëjnë gjithçka për ta shndërruar këtë ditë në festë dhe në ditë mirëkuptimi.
Lideri i PD-së ftoi qytetarët që të ushtrojnë të drejtën e votës, duke i siguruar ata se çdo votë do të respektohet plotësisht.
“Votova 44, preka fatin. Ftoj të gjithë shqiptarët të marrin pjesë në votime, të votojnë në mënyrën më të qytetëruar. Të votojnë për alternativën që gjykojnë më të mirë. I siguroj se vota e tyre do të respektohet plotësisht. Këto zgjedhje janë përcaktuese për katër vitet që vijnë, për mirëqenien e tyre, për integrimin, punësimin. Falenderoj me mirënjohjen më të thellë emigrantët shqiptarë që kanë ardhur nga të katër anët e botës, për të votuar sot për Shqipërinë e katër viteve që vijnë”,- deklaroi kryeministri Berisha.
BASHA: VOTONI MASIVISHT E NË MËNYRË CIVILE
Rreth orës 10:00 ka votuar në qendrën e votimit të ngritur tek çerdhja nr.13 në kryeqytet edhe kryebashkiaku, Lulzim Basha. Pasi ka hedhur votën, Basha i ka bërë apel qytetarëve të Tiranës të votojnë pasivisht e në mënyrë civile.
“Falenderoj qytetarët e Tiranës për kontributin dhe mënyrën si e përcollën këtë fushatë. Uroj që procesi zgjedhor të vazhdojë me të njejtin shpirt festiv e civil dhe që qytetarët të marrin pjesë masivisht në të, që të vazhdohet me vepra të mira”, tha Basha.
Më tej kryebashkiaku Basha i bëri thirrje komisionarëve dhe vëzhguesve “të vazhdojnë administrimin e procesit në përputhje me ligjin, të dëgjohet zëri i cdo qytetari në cdo qendër votimi”.
Në lidhje me incidentin në Lac, Basha u shpreh se nuk kishte informacione.
TIRANË, PRITET VOTIMI I LIDERËVE TË POLITIKËS, JA QV-TË KU VOTOJNË
Ora: 08:53 - Procesi i votimit nisi në orën 07:00 në pothuajse të gjitha qendrat e votimit, ashtu siç ishte parashikuar. Ndërkohë pritet që të votojnë edhe krerët më të lartë të shtetit, por edhe kryetarët e partive kryesore në vend.
Kështu, mësohet se Presidenti i vendit Bujar Nishani pritet të votojë në orën 10.00 në qendrën e votimit 1766/2 në shkollën e mesme “Andon Zako Cajupi” në Tiranë. Kreu i së djathtës, Sali Berisha do të votojë në qendrën e votimit ngritur tek “Liceu Artistik” rreth orës 10.00, pasi në këtë orar pritet edhe takimi i zotit Berisha me kryesuesin e delegacionin AD HOC të Parlamentit Europian, Eduard Kukan.
Ndërsa lideri i së majtës, Edi Rama pritet të votojë në shkollën “Pjetër Budi". Pasi të hedhin votën e tyre, drejtuesit politikë, pritet të bëjnë edhe deklaratat e para në lidhje me procesin e zgjedhjeve.
Kreu i LSI-së Ilir Meta pritet të votojë në njësinë 5 në kopshtin numër 10 te ish-blloku, ndërsa kreu i FRD-së Bamir Topi pritet të votojë në shkollën "Servete Maçi" në Tiranë. Lideri i Aleancës Kuq e Zi, Kreshnik Spahiu pritet të votojë në orën 9.00 në shkollën “Pjetër Budi”.
(vijon)
(er.nu/ma.ar/BalkanWeb) Lidhje te tjera VIDEO: Voton kryeministri Berisha: Ta shndërrojmë këtë ditë në ditë feste dhe mirëkuptimi VIDEO: Nishani: Sot dita e qytetarëve, votoni me maturi e qetësi