Poni: Deri më 15 mars procesi i aplikimit për letërnjoftimet elektronike në të gjitha komunat

“Deri në datën 15 Mars proçesi i aplikimit për letërnjoftimet elektronike, do të shtrihet edhe në komunat me popullsi mbi 5 mijë banorë, duke vijuar më tej edhe në komunat më të vogla, deklaroi sot në Njësinë Bashkiake Nr.7 në Kryeqytet, zëvendësministri i Brendshëm Ferdinant Poni. Proçesi i pajisjes së shtetasve shqiptarë me kartatat e identitetit, i cili tashmë pothuajse është shtrirë në të gjithë vendin, filloi në 12 janar 2009. Poni tha se "Ky është një moment i veçantë për çdo shqiptar, sepse atyre tashmë u është ofruar  një dokument ndër më modernët në të gjithë Evropën, duke u prezantuar  si qytetarë me një dokument identifikimi të denje”. Procesi i shpërndarjes së kartave të identitetit, të bëra tashmë realitet, filloi nga 18 shkurti i këtij viti, fillimisht me Tiranën, për t'u shtrirë më tej në të gjithë vendin. Pajisja e shtetasve shqiptarë me letërnjoftime elektronike është e lidhur ngushtë me Kodin e ri Zgjedhor, i cili përcakton se votuesit në zgjedhjet e përgjithshme të 28 Qershorit 2009, do të jenë të detyruar të votojnë vetëm me dy dokumente të rëndësishme, letërnjoftimet elektronike dhe pasaportat aktuale për udhëtim jashtë shtetit.