Poni Duhet ndryshuar sistemi administrativ per zgjedhjet

Zgjedhjet e ardhshme vendore kane nevoje per disa ndryshime ne sistemin administrativ te vendit ne kuader te kthimit te disa komunave ne vend ne bashki. Ky ishte mesazhi qe erdhi dje nga ana e zevendesministrit te Brendshem Ferdinant Poni dikasteri i te cilit me dekretimin e dates se zgjedhjeve po behet gati per pergatitjen e procesit te ardhshem zgjedhor. Sipas Ponit zgjedhjet e ardhshme vendore te cilat do te mbahen me 8 maj te 2011-s nuk kane nevoje per nje ndarje te re territoriale por vetem per korrigjime ne disa komuna te cilat per shkak te numrit te madh te popullsise duhet te kthehen ne bashki. Por ky korrigjim kerkon 84 vota ne Parlamentin shqiptar gje te cilen mazhoranca aktuale e ka te pamundur ta beje pa ndihmen e votave te opozites. Ne kete kuader bashkepunimi PD-PS pritet te vendos edhe zgjidhjen ose jo te ketij problemi administrativ per zgjedhjet e ardhshme lokale. Nga ana tjeter Poni thekson se dikasteri qe ai drejton ka nisur punen intensivisht per zgjedhjet qe do te zhvillohen pas tete muajsh. Sipas Ponit kjo pjese e Ministrise se Brendshme e cila merret me anen zgjedhore ka arritur te kete vleresimet me te mira nga nderkombetaret ne lidhje me punen e saj per pergatitjen e listave te zgjedhesve kartave te identitetit dhe elementeve te tjere te rendesishem per nje proces zgjedhor.