Pranga, kundërshtoi policinë

10/03/2005  Kapet në flagrancë një 35-vjeçar nga kryeqyteti. Arjan Kristo u vu në pranga nga uniformat e Komisariatit të policisë nr.1, nën akuzën e kundërshtimit dhe goditjes për shkak të detyrës të një polici. Burime policore pohojnë se, i arrestuari ka fyer dhe qëlluar me grushte një efektiv, i cili ishte duke zgjidhur një konflikt mes tij dhe një qytetari tjetër. Kjo vepër parashikohet nga nenet 236 dhe 237 të Kodit Penal. Kristo nuk ka precedentë të mëparshëm penalë. Materialet iu kaluan Prokurorisë së rrethit.