Prangoset trafikanti italian i makinave
18/02/2005 Bllokohet fuoristrada
KORÇË - Ndalohet një italian, i dyshuar si trafikant mjetesh motorike në vendin tonë. Ngjarja ka ndodhur ditën e djeshme rreth orës 11:30 në vendkalimin kufitar të Kapshticës. Në këtë pikë u bë bllokimi i mjetit tip Fuoristradë, me ngjyrë të kuqe, me targë CR 720 FT i drejtuar nga shtetasi italian, Giuseppe Lapiello, i cili menjëherë është shoqëruar në zyrën e trafiqeve pranë Drejtorisë së Policisë të Qarkut Korçë. 33-vjeçari ka kaluar nga dogana greke dhe më pas është drejtuar për në doganën shqiptare. Gjatë kontrollit të dokumenteve është arritur në dyshimin se makina mund të ketë qenë e vjedhur. Sipas verifikimeve të kryera nga zyra e lartpërmendur ka rezultuar se shtetasi italian ka hyrë disa herë në vendin tonë me mjete të ndryshme dhe ka dalë prej saj pa mjet. Për këtë arsye, italiani 33-vjeçar dyshohet si trafikant i mjeteve motorike dhe aktualisht ndodhet i shoqëruar në zyrën e antitrafiqeve Korçë. Të dhënat e automjetit të bllokuar, i cili dyshohet se është vjedhur i janë dërguar Interpolit për verifikim të mëtejshëm. Kjo është hera e dytë gjatë 2 viteve të fundit që një shtetas italian është ndaluar, pasi është dyshuar si trafikant mjetesh motorike.
Precedentët
16 qershor 2004
SHKODËR - Një trafikant italian automjetesh është arrestuar nga policia e Shkodrës, në pikën e kalimit kufitar të Muriqanit në këtë rreth, e cila ndodhet rreth 14 km larg qytetit të Shkodrës.
Mario Vangelisi, 53-vjeçari italian, nga Breshia, u arrestua ndërsa tentonte që me një automjet luksoz tip “Benz” të hynte nga Mali i Zi në Shqipëri. Pas ndalimit dhe verifikimeve të para, është mësuar shumë shpejt se Vangelisi ishte i dyshuar për trafik automjetesh. Pas dyshimeve për një rast të trafikimit të mjeteve motorike, në bazë edhe të shkëmbimit të informacionit, u mësua gjithashtu se, 53-vjeçari Mario Vangelisi, në të paktën 12 raste të tjera kishte hyrë në Shqipëri me 12 automjete të ndryshme dhe se ishte larguar prej këtej pa ato.
4 shkurt 2005
SHKODËR – Shërbimet e policisë së Shkodrës kapën 26-vjeçarin Miograd Vukmir Kruscic, në pikën e kontroll kalimit të Doganës së Hanit të Hotit, duke hyrë në territorin shqiptar nga atdheu i tij, Mali i Zi. Pas verifikimeve të duhura dhe kryerjes së veprimeve proceduriale, rezultoi se dokumentacioni që dispononte shtetasi malazez, për drejtimin e automjetit tp BMV X5, ishte i parregullt. Mbi këtë bazë, ndaj këtij shtetasi u mor masa e ndalimit dhe u bllokua me cilësinë e provës materiale autovetura tip BMV, bashkë me dokumentacionin. Burime brenda policisë, bëjnë të ditur se automjeti ishte vjedhur në Mal të Zi, me qëllim shitjen në Shqipëri.
KORÇË - Ndalohet një italian, i dyshuar si trafikant mjetesh motorike në vendin tonë. Ngjarja ka ndodhur ditën e djeshme rreth orës 11:30 në vendkalimin kufitar të Kapshticës. Në këtë pikë u bë bllokimi i mjetit tip Fuoristradë, me ngjyrë të kuqe, me targë CR 720 FT i drejtuar nga shtetasi italian, Giuseppe Lapiello, i cili menjëherë është shoqëruar në zyrën e trafiqeve pranë Drejtorisë së Policisë të Qarkut Korçë. 33-vjeçari ka kaluar nga dogana greke dhe më pas është drejtuar për në doganën shqiptare. Gjatë kontrollit të dokumenteve është arritur në dyshimin se makina mund të ketë qenë e vjedhur. Sipas verifikimeve të kryera nga zyra e lartpërmendur ka rezultuar se shtetasi italian ka hyrë disa herë në vendin tonë me mjete të ndryshme dhe ka dalë prej saj pa mjet. Për këtë arsye, italiani 33-vjeçar dyshohet si trafikant i mjeteve motorike dhe aktualisht ndodhet i shoqëruar në zyrën e antitrafiqeve Korçë. Të dhënat e automjetit të bllokuar, i cili dyshohet se është vjedhur i janë dërguar Interpolit për verifikim të mëtejshëm. Kjo është hera e dytë gjatë 2 viteve të fundit që një shtetas italian është ndaluar, pasi është dyshuar si trafikant mjetesh motorike.
Precedentët
16 qershor 2004
SHKODËR - Një trafikant italian automjetesh është arrestuar nga policia e Shkodrës, në pikën e kalimit kufitar të Muriqanit në këtë rreth, e cila ndodhet rreth 14 km larg qytetit të Shkodrës.
Mario Vangelisi, 53-vjeçari italian, nga Breshia, u arrestua ndërsa tentonte që me një automjet luksoz tip “Benz” të hynte nga Mali i Zi në Shqipëri. Pas ndalimit dhe verifikimeve të para, është mësuar shumë shpejt se Vangelisi ishte i dyshuar për trafik automjetesh. Pas dyshimeve për një rast të trafikimit të mjeteve motorike, në bazë edhe të shkëmbimit të informacionit, u mësua gjithashtu se, 53-vjeçari Mario Vangelisi, në të paktën 12 raste të tjera kishte hyrë në Shqipëri me 12 automjete të ndryshme dhe se ishte larguar prej këtej pa ato.
4 shkurt 2005
SHKODËR – Shërbimet e policisë së Shkodrës kapën 26-vjeçarin Miograd Vukmir Kruscic, në pikën e kontroll kalimit të Doganës së Hanit të Hotit, duke hyrë në territorin shqiptar nga atdheu i tij, Mali i Zi. Pas verifikimeve të duhura dhe kryerjes së veprimeve proceduriale, rezultoi se dokumentacioni që dispononte shtetasi malazez, për drejtimin e automjetit tp BMV X5, ishte i parregullt. Mbi këtë bazë, ndaj këtij shtetasi u mor masa e ndalimit dhe u bllokua me cilësinë e provës materiale autovetura tip BMV, bashkë me dokumentacionin. Burime brenda policisë, bëjnë të ditur se automjeti ishte vjedhur në Mal të Zi, me qëllim shitjen në Shqipëri.