“Prania e policisë në analizën e kulturës, e domosdoshme”
04/02/2005 Zyrtari i Bashkisë së Durrësit mbrohet për skandalin e ”Miss Globe”
DURRËS – “Nëse në një konferencë shtypi do të vijë një kasap, ne
do të thërrasim policinë”.
Në këtë mënyrë e ka justifikuar shefi i kabinetit të kryetarit të Bashkisë së Durrësit, Indrit Puteci, skandalin e ndodhur pak ditë më parë ku një ish-punonjëse nuk është lejuar nga policia e Bashkisë të jetë e pranishme në mbledhje dhe që pasoi me shtyrjen e analizës në sektorin e kulturës në Durrës.
Sipas Putecit, i cili ka pohuar se nuk ka qenë i pranishëm në fillim të analizës dhe se nuk ka dijeni se cili ka njoftuar policinë të futet në një analizë vjetore, “prania e policisë ka qenë e domosdoshme”.
Për të, prania e llogaritares Liliana Koliqi, e cila ka akuzuar për abuzime drejtuesit e qendrës së kulturës dhe bashkinë, në takim ka qenë shqetësues.
“Incidenti i ndodhur nuk përbën vlerësim më tepër sesa meriton dhe gazetat nuk duhet të shkruanin rreth këtij incidenti”, tha Puteci.
Shefi i kabinetit të kryebashkiakut të Durrësit nuk ka pranuar të shpjegojë se cili është statusi i policisë bashkiake në këto raste, ndërkohë që burime nga kjo bashki pohojnë se policia e bashkisë thirret vetëm me kërkesë të kryetarit të Bashkisë dhe kryetarit të Këshillit të Bashkisë.
Ai ka pranuar se Koliqi kishte informuar me shkrim bashkinë për pretendimet e saj lidhur me abuzimet e bëra me fondet, por nga ana tjetër ka shtuar se pas verifikimit një për një të të gjitha ankesave të bëra nuk ka dalë asnjë shkelje.
DURRËS – “Nëse në një konferencë shtypi do të vijë një kasap, ne
do të thërrasim policinë”.
Në këtë mënyrë e ka justifikuar shefi i kabinetit të kryetarit të Bashkisë së Durrësit, Indrit Puteci, skandalin e ndodhur pak ditë më parë ku një ish-punonjëse nuk është lejuar nga policia e Bashkisë të jetë e pranishme në mbledhje dhe që pasoi me shtyrjen e analizës në sektorin e kulturës në Durrës.
Sipas Putecit, i cili ka pohuar se nuk ka qenë i pranishëm në fillim të analizës dhe se nuk ka dijeni se cili ka njoftuar policinë të futet në një analizë vjetore, “prania e policisë ka qenë e domosdoshme”.
Për të, prania e llogaritares Liliana Koliqi, e cila ka akuzuar për abuzime drejtuesit e qendrës së kulturës dhe bashkinë, në takim ka qenë shqetësues.
“Incidenti i ndodhur nuk përbën vlerësim më tepër sesa meriton dhe gazetat nuk duhet të shkruanin rreth këtij incidenti”, tha Puteci.
Shefi i kabinetit të kryebashkiakut të Durrësit nuk ka pranuar të shpjegojë se cili është statusi i policisë bashkiake në këto raste, ndërkohë që burime nga kjo bashki pohojnë se policia e bashkisë thirret vetëm me kërkesë të kryetarit të Bashkisë dhe kryetarit të Këshillit të Bashkisë.
Ai ka pranuar se Koliqi kishte informuar me shkrim bashkinë për pretendimet e saj lidhur me abuzimet e bëra me fondet, por nga ana tjetër ka shtuar se pas verifikimit një për një të të gjitha ankesave të bëra nuk ka dalë asnjë shkelje.