Pranimet në Universitet, më 1 gusht nis llogaritja e pikëve
TIRANË- Pas mbledhjes së të dhënave të depozituara në formularin A-2, duke nisur nga data 1 gusht ekspertët në Agjencinë Kombëtare të Provimeve do të përllogaritin sipas formulës tradicionale pikët me të cilat maturantët do të hyjnë në garë për pranimet në universitete.
Sipas përcaktimeve të Ministrisë së Arsimit, sot është dita e fundit që maturantët kanë në dispozicion për të plotësuar formularin A-2.
Kandidatët që nuk dorëzojnë të plotësuar këtë formular brenda afatit të caktuar, humbasin të drejtën për të ndjekur shkollën e lartë gjatë këtij vitit. Raundi i parë i shpalljes së fituesve do të bëhet në nisje të muajit shtator, përkatësisht më datën 11. Në këtë fazë do të fitojnë një të drejtë studimore të gjithë ata maturantë që gjatë plotësimit të A-2, kanë përzgjedhur si preferenca degët që kanë pikët më të larta për t’u shpallur fitues.
Në rast se edhe pas mbylljes së regjistrimeve përfundimtare do të ketë sërish vende të tjera që do të mbeten të paplotësuara, atëherë do të çelet edhe plotësimi i formularit A-3. Këtë vit krahas maturantëve që vijnë nga jashtë apo atyre që nuk morën një të drejtë studimi në fazat e mëparshme, plotësimin e formularit A-3 do të mund të bëjnë edhe mbetësit në provimet e maturës. Ata do të shlyejnë të gjitha detyrimet gjatë sezonit të vjeshtës dhe më pas do të plotësojnë këtë formular.
Shpallja e fituesve në programet publike të studimeve të larta për këtë vit do të kalojë në dy raunde. Fillimisht do të bëhet përzgjedhja e fituesve, të cilët në varësi të listimit të preferencave në formularin A-2 arrijnë të grumbullojnë pikët më të larta për të qenë brenda vijës finale të fituesve.
Pas kësaj faze parashikohet të ketë edhe një tjetër formular A-3, të cilin do të mund të plotësojnë të gjithë ata kandidatë që nuk u shpallën fitues në asnjë program të fazës së parë të pranimeve.
(atsh/BalkanWeb)
Sipas përcaktimeve të Ministrisë së Arsimit, sot është dita e fundit që maturantët kanë në dispozicion për të plotësuar formularin A-2.
Kandidatët që nuk dorëzojnë të plotësuar këtë formular brenda afatit të caktuar, humbasin të drejtën për të ndjekur shkollën e lartë gjatë këtij vitit. Raundi i parë i shpalljes së fituesve do të bëhet në nisje të muajit shtator, përkatësisht më datën 11. Në këtë fazë do të fitojnë një të drejtë studimore të gjithë ata maturantë që gjatë plotësimit të A-2, kanë përzgjedhur si preferenca degët që kanë pikët më të larta për t’u shpallur fitues.
Në rast se edhe pas mbylljes së regjistrimeve përfundimtare do të ketë sërish vende të tjera që do të mbeten të paplotësuara, atëherë do të çelet edhe plotësimi i formularit A-3. Këtë vit krahas maturantëve që vijnë nga jashtë apo atyre që nuk morën një të drejtë studimi në fazat e mëparshme, plotësimin e formularit A-3 do të mund të bëjnë edhe mbetësit në provimet e maturës. Ata do të shlyejnë të gjitha detyrimet gjatë sezonit të vjeshtës dhe më pas do të plotësojnë këtë formular.
Shpallja e fituesve në programet publike të studimeve të larta për këtë vit do të kalojë në dy raunde. Fillimisht do të bëhet përzgjedhja e fituesve, të cilët në varësi të listimit të preferencave në formularin A-2 arrijnë të grumbullojnë pikët më të larta për të qenë brenda vijës finale të fituesve.
Pas kësaj faze parashikohet të ketë edhe një tjetër formular A-3, të cilin do të mund të plotësojnë të gjithë ata kandidatë që nuk u shpallën fitues në asnjë program të fazës së parë të pranimeve.
(atsh/BalkanWeb)