Premtimet boshe nuk ka dieta per forcat speciale
Edhe pse punonjesve speciale te policise iu premtua para nje muaji se do te marrin dietat dhe oret suplementare te prapambetura deri tani ata nuk kane perfituar asgje. Informacioni behet i ditur nga burime prane forcave speciale te cilat jane ankuar disa here per kete problem. Nga ana tjeter mesohet se Ministria e Brendshme ka pergatitur nje projektvendim dhe do te dergohet ne qeveri per levrimin e nje fondi qe te paguhen oret suplementare dhe dietat e te gjitha forcave speciale.
Kreu i Sindikates se Policise se Shtetit Sadetin Fishta denoncoi ne muajin gusht mosmarrjen e dietave qe nga muaji prill 2010 i afro 500 forca speciale te repartit RENEA te Skuadrave Speciale Operacionale apo te Reparteve te Nderhyrjes se Shpejte dhe RESI-t. Ai deklaroi se ata nuk kishin perfituar para per sherbimet qe kishin kryer ne rrethe te ndryshme dhe shpenzimet ishin kryer me te ardhurat e tyre personale. Por sapo u be kjo deklarate dhe nga ana e drejtuesve te policise u pranua ky problem shume struktura te tjera filluan te ankohen edhe per oret suplementare qe nuk ishin dhene. Megjithate drejtuesit e Policise se Shtetit deklaruan se ato po perllogariten dhe se shume shpejt do te shperndahen.
Pas ketij premtimi punonjesit e policise u pergatiten qe te shperblehen per punen e kryer ne te shumten e rasteve jashte orarit zyrtar por qe nuk rezultoi e vertete. Nje muaj pas publikimit te skandalit forcat speciale ankohen se ende nuk kane marre parate e shpenzuara dhe se nuk i kane sqaruar per kete problem. Ata deklarojne se ende vazhdojne te bejne sherbime jashte vendit te tyre dhe nuk perfitojne para. Madje ata nuk kane perfituar as oret suplementare pasi sherbimet kane zgjatur me ore te tera. Ne lidhje me kete problem ka reaguar edhe Sindikata e Policise e cila konfirmon se ka kontaktuar me drejtuesin e Finances ne Ministrine e Brendshme. Duke marre shkas nga nje sere ankesash Sindikata ka kerkuar ti jepet zgjidhje ketij problemi dhe sipas te dhenave Ministria e Brendshme ka deklaruar se eshte bere nje perllogaritje e te gjithe parave te prapambetura per forcat speciale si per dietat ashtu edhe per oret e punes jashte orarit zyrtar. Ne keto kushte ata kane nxjerre shumen e parave te prapambetura dhe i kane kerkuar kabinetit qeveritar te nxjerre nje vendim per fond te vecante me qellim qe te shlyhet borxhi ndaj punonjesve te policise.
Ky vendim nuk eshte marre deri me sot nga qeveria dhe ende nuk dihet se kur do tu jepen keto para specialeve. Megjithate qeveria prej disa kohesh ka ndryshuar formen e dietave. Sipas te dhenave nese forcat speciale sherbejne brenda orarit zyrtar dhe ne nje distance deri ne 100 kilometra larg vendit te tyre atehere ata nuk perfitojne as dieta dhe as ore pune jashte orarit zyrtar. Nese ata kalojne 100 kilometra per te shkuar te vendi i sherbimit atehere futen ne skemen e trajtimit me dieta. Gjithashtu nese ata bejne sherbime 24-oreshe atehere shperblimi suplementar u njihet vetem per 16 ore pasi tete ore u cilesohen brenda orarit zyrtar. Nderkaq qeveria kishte kerkuar nga ana e policise qe te jepen pushime ne rast se punonjesit e policise sherbejne ne detyre me shume se orari zyrtar me qellim qe te kursehen para nga buxheti por deri tani kjo nuk eshte realizuar per shkak te mungeses ne organike. Disa punonjes te forcave speciale ankohen se sidomos ne repartin RESI ata bejne sherbime 24-oreshe duke kaluar cdo norme per ore pune por nuk perfitojne asgje. Normat e perfitimit per te gjitha kategorite jane te percaktuara qarte me ligj por deri me sot shteti shqiptar nuk ka pasur fuqi qe thjesht te respektoje ligjin per policet dhe jo te sjelle te mira materiale shtese.