Presidenti, Rama- Meta, takimi sot në orën 12:30

Kreu i Partisë Socialiste Edi Rama pritet të takohet me kreun e Lëvizjes Socialiste për Integrim, Ilir Meta. Takimi pritet të zhvillohet rreth orës 12:30.

Ky takim vjen pas një ftesë publike që Rama i bëri kryeministrit, Sali Berisha, kreut të LSI-së, Ilir Meta dhe krerëve të partive parlamentare për tu takur në kuadër të bisedimeve për zgjedhjen e presidentit të ri.

Shtypi sot ka shkruar për një takim të fshehtë të Ramës me Metën në Gjirin e Lalzit, ku duket se sërish në qendër të bisedimeve mes tyre ka qenë çështja e presidentit.