Presidenti Topi pret Nënkryetarin e Gjykatës së Distriktit të Floridsdorfit në Austri, Gerhard Rajsner.
30 mars 2010
Presidenti i Republikës, Prof. Dr. Bamir Topi priti sot Nënkryetarin e Gjykatës së Distriktit të Floridsdorfit në Austri, zotin Gerhard Rajsner, i cili është edhe Kryetari i Shoqatës Ndërkombëtare të Gjyqtarëve. Në këtë takim ishte i pranishëm dhe Kryetari i Shoqatës së Gjyqtarëve shqiptarë, zoti Artur Kalaja.
Duke i uruar mirëseardhjen, Presidenti i Republikës dhe njëkohësisht Kryetari i Këshillit të Lartë të Drejtësisë vuri në dukje rëndësinë e këtij takimi, si një rast për të shkëmbyer mendime e përvoja lidhur me çështje me rëndësi për sistemin e drejtësisë, sidomos duke u bazuar në modelin e shtetit të së drejtës në Austri, për respektimin e të drejtave të njeriut, zhvillimin e pavarur dhe profesional të gjykatësve, etj.
Kreu i shtetit pasi bëri një përshkrim të hollësishëm të procesit të reformimit të sistemit të drejtësisë në vendin tonë si dhe të sfidave me të cilat ky system përballet, vlerësoi rëndësinë e rritjes së bashkëpunimit dhe shkëmbimit të përvojave pozitive mes institucioneve të ndryshme të drejtësisë ku: “një hap pozitiv dhe cilësor do të ishte edhe anëtarësimi i Unionit të Gjyqtarëve shqiptarë në gjirin e Shoqatës Ndërkombëtare të Gjyqtarëve.” Kreu i shtetit vlerësoi bashkëpunimin dhe konsultimin profesional dhe objektiv me Shoqatën e Gjykatësve shqiptarë edhe gjatë procesit të përzgjedhjes së kandidaturave më cilësore për emërime në Gjykatën e Lartë.
Nga ana e tij, Nënkryetari i Gjykatës së Distriktit të Floridsdorfit në Austri, zoti Gerhard Rajsner falenderoi Presidentin Topi për pritjen dhe për panoramën e hollësishme rreth arritjeve dhe sfidave të sistemit të drejtësisë në Shqipëri. Zoti Rajsner theksoi rëndësinë e bashkëpunimit mes organizatave dhe institucioneve të ndryshme të drejtësisë në drejtim të marrjes së përvojës së vyer si dhe rritjes së efektshmërisë, cilësisë dhe profesionalizmit të gjyqtarëve.
Presidenti i Republikës, Prof. Dr. Bamir Topi priti sot Nënkryetarin e Gjykatës së Distriktit të Floridsdorfit në Austri, zotin Gerhard Rajsner, i cili është edhe Kryetari i Shoqatës Ndërkombëtare të Gjyqtarëve. Në këtë takim ishte i pranishëm dhe Kryetari i Shoqatës së Gjyqtarëve shqiptarë, zoti Artur Kalaja.
Duke i uruar mirëseardhjen, Presidenti i Republikës dhe njëkohësisht Kryetari i Këshillit të Lartë të Drejtësisë vuri në dukje rëndësinë e këtij takimi, si një rast për të shkëmbyer mendime e përvoja lidhur me çështje me rëndësi për sistemin e drejtësisë, sidomos duke u bazuar në modelin e shtetit të së drejtës në Austri, për respektimin e të drejtave të njeriut, zhvillimin e pavarur dhe profesional të gjykatësve, etj.
Kreu i shtetit pasi bëri një përshkrim të hollësishëm të procesit të reformimit të sistemit të drejtësisë në vendin tonë si dhe të sfidave me të cilat ky system përballet, vlerësoi rëndësinë e rritjes së bashkëpunimit dhe shkëmbimit të përvojave pozitive mes institucioneve të ndryshme të drejtësisë ku: “një hap pozitiv dhe cilësor do të ishte edhe anëtarësimi i Unionit të Gjyqtarëve shqiptarë në gjirin e Shoqatës Ndërkombëtare të Gjyqtarëve.” Kreu i shtetit vlerësoi bashkëpunimin dhe konsultimin profesional dhe objektiv me Shoqatën e Gjykatësve shqiptarë edhe gjatë procesit të përzgjedhjes së kandidaturave më cilësore për emërime në Gjykatën e Lartë.
Nga ana e tij, Nënkryetari i Gjykatës së Distriktit të Floridsdorfit në Austri, zoti Gerhard Rajsner falenderoi Presidentin Topi për pritjen dhe për panoramën e hollësishme rreth arritjeve dhe sfidave të sistemit të drejtësisë në Shqipëri. Zoti Rajsner theksoi rëndësinë e bashkëpunimit mes organizatave dhe institucioneve të ndryshme të drejtësisë në drejtim të marrjes së përvojës së vyer si dhe rritjes së efektshmërisë, cilësisë dhe profesionalizmit të gjyqtarëve.