Presidenti, me ambasadorin e SHBA, Uithers e KE, Lohan

Intensifikohen takimet mes Presidentit te Republikes, Bamir Topi dhe perfaqesuesve nderkombetare. Per te dyten here brenda nje kohe te shkurter, kreu i shtetit priti dje ne zyre, ambasadorin e SHBA ne vendin tone, Xhon Uithers si dhe ambasadorin e Komisionit Evropian, Helmut Lohan. Takimi i dyte u zhvillua pas rrezimit qe Kuvendi i beri pese kandidaturave qe Presidenti propozoi per anetare te Gjykates se Larte. Gjate takimeve koke me koke te kryera ne Presidence mes paleve, eshte diskutuar mbi situaten e tensionuar politike si dhe mbi perplasjen e marredhenieve qe Presidenti ka pasur se fundmi me Kuvendin, por dhe me Kryeministrin. Nga zyra e shtypit te Presidences nuk behen te ditura detaje mbi takimet e zhvilluara. Por nje nga shkaqet e vetme te takimeve jane perplasjet institucionale, perfshire ketu dhe dekretet e rrezuara se fundmi ne Kuvend. Vetem dy jave me pare, me 5 qershor, kreu i shtetit zhvilloi nje takim si me ambasadorin e Komisionit Evropian, Helmut Lohan dhe ambasadorin e Shteteve te Bashkuara te Amerikes, Xhon Uithers. Gjate takimeve koke me koke, u diskutua jo vetem mbi reformen ne drejtesi, por dhe reformat e tjera qe ende nuk jane realizuar nga Shqiperia. Nuk mund te mos prekej debati me i fundit per dekretet e kreut te shtetit per anetare te Gjykates se Larte, por dhe reforma e tokes apo integrimi ne NATO. Ceshtje per te cilat nderkombetaret kerkuan realizim sa me te shpejte, duke i cilesuar dhe si kushte per integrimin ne strukturat euroatlantike. R.R.