Presidenti, pergjigje te forte ndaj botuesit austriak dhe perkthyesve

Presidenti i Republikes se Shqiperise Bamir Topi, gjate nje konference mbi familjet e medha fisnike shqiptare, ka nderhyre ne debatin e fundit per origjinen dhe rolin e heroit tone kombetar, Gjergj Kastriot Skenderbeut. Kreu i shtetit citoi figura te njohura si Fan Noli dhe Volteri, per te konkretizuar qendrimin e tij, se Skenderbeu mbetet shpirti i historise se mesjetes, por edhe njeriu qe realizoi bashkimin e pare politik dhe ushtarak te shqiptareve. "Ndokush mund te kete xhelozi per heroin tone kombetar, per bemat, famen, marredhenien, qe ai ndertoi me kombin e tij dhe Evropen ushtarake e politike te kohes, duke u perpjekur sot ta ridimensionoje ate. Ndonje mendje e roberuar, e pajisur me nje guxim regresiv, perpiqet sot te tjetersoje rolin e Skenderbeut, ne historine tone apo ne historine e qyteterimit Evropian. Kjo eshte nje perpjekje e mjerueshme, sepse historia nuk pranon leksione, ajo jep leksione. Hipotezat e humbasin terrenin perballe fakteve. Interpretimi kerkon moralitet te larte dhe profesionalizem", shigjetoi kreu i shtetit, te gjithe ata te cilet, duke shfrytezuar nje botim ne qindra librat e botuar per heroin tone kombetar, tentojne qe te bejne sic nenvizoi kreu i shtetit, me nje guxim regresiv, tjetersimin e figures se Gjergj Kastriot Skenderbeut. Pak kohe me pare nje botim i studiuesit gjerman mbeshtetur edhe nga disa analiste shqiptare, njeri nga te cilet ne rolin e perkthyesit dhe me nje protoganizem komercial, hapi debatin mbi figuren e heroit kombetar Gjergj Kastrioti ne opinionin publik. Ne kete botim studiuesi vinte ne pikepyetje origjinen e Skenderbeut. Presidenti dhe me heret edhe kryeministri Sali Berisha, kane hequr cdo dyshim mbi dualitetin e faktorit shqiptar, lidhur me Skenderbeun duke mos hezituar t'i quajne keto ide, si mendje dashakeqe qe kerkojne t'i japin leksion asaj qe vetem jep leksione, historise se nje kombi.