Pretendenti pushton kryeqytetin në Bregun e Fildishtë

Forcat besnike të pretendentit për postin e presidentit në Bregun e Fildishtë e kanë marrë kontrollin e kryeqytetit Jamusokro, transmeton Reuters.

Agjencia raporton se forcat e Alasane Outara po marshojnë nëpër qytet, të ndjekur nga popullata.

Komuniteti ndërkombëtar thotë se Outara i fitoi zgjedhjet presidenciale në nëntor, por Laurent Gbagbo ka refuzuar të dorëzojë pushtetin.