Prishtina zyrtare: Gjashtepikeshi, veshtire i zbatueshem

Zbatimi i planit gjashtepikesh, i propozuar nga Organizata e Kombeve te Bashkuara, do te kete veshtiresi te medha ne zbatim. Ne baze te ketij plani thuhet se policia, doganat dhe gjykatat neper vendbanimet serbe do t'i pergjigjen UNMIK-ut, ndersa EULEX-i do te bashkepunoje me udheheqjen shqiptare ne pjeset e tjera te Kosoves. Veshtiresite e zbatimit te ketij plani e konfirmojne deputetet e pozites dhe opozites ne Kuvendin e Kosoves. Sipas Melihate Termkollit, nga Lidhja Demokratike e Kosoves, institucionet kosovare duhet te kene nje plane konkret se si duhet te veprohet tani e tutje. Ajo thote se kreret me te larte te vendit, diteve te fundit jane duke dhene deklarata jo te pergjegjshme, sa i perket planit gjashtepikesh. Sipas saj, ato deklarata jane duke u bere vetem per konsum te brendshem politik. Nga ana tjeter edhe nenkryetari i partise opozitare Aleanca Kosova e Re, Ibrahim Makolli pohon se plani gjashtepikesh ne Kosove do te kete veshtiresi per t'u zbatuar. "Do te jete shume e veshtire qe kjo te zbatohet ne praktike, perderisa institucionet e Kosoves dhe ne si qytetar te Kosoves, jemi deklaruar kunder ketij plani. Prandaj, konsideroj se do te jete shume i veshtire implementimi ne praktike derisa kemi mospajtime aq te medha", tha Makolli. Perfaqesuesit e partive opozitare ne Kosove dhe analistet, se fundi i kane konstatuar si kthim prapa zhvillimet e fundit rreth Kosoves ne Keshillin e Sigurimit dhe planin gjashtepikesh. Ata, madje kane shprehur shqetesimet per fillimin e nje procesi te ndarjes se brendshme te Kosoves. Pavaresisht qe Kosova tani eshte shtet i pavarur, sipas ketij plani, vendbanimet serbe do te shkeputeshin nga sistemi kushtetues juridik i Kosoves, per te respektuar vetem Rezoluten 1244.