Prizren: Sekuestrohen 14 kg heroinë

Prizren - Një operacion i gjerë anti-drogë i kryer pasditen e së premtes nga Policia e Kosovës në Prizren, ka çuar në arrestimin e 10 personave dhe në sekuestrimin e një sasie të konsiderueshme lendë narkotike.Lajmin e bëjnë të ditur burime pranë Shërbimit Policor të Kosovës, sipas të cilave gjatë operacionit u bllokuan 14 kilogramë drogë e llojit heroinë. Burimet shtojnë më tej se operacioni është ende në vazhdim dhe pritet të ketë arrestime të reja. Në perfundim të tij pritet që të zbardhen edhe detajet.