Procedura, si do korrigjohen provimet e Arkitektures Eljona Ballhysa
Rreth 314 maturante i jane nenshtruar dje konkursit te Arkitektures, fazes se pare te perzgjedhjes qe perfshinte testimin me shkrim, nderkohe qe gjate dites se sotme ata do te zhvillojne fazen e dyte te konkursit qe eshte vizatimi ne natyre. Kane qene te shumte prinderit qe kane pritur me ankth femijet e tyre jashte Pallatit te Kongreseve ku eshte zhvilluar konkursi. Nderkohe dekani i ketij fakulteti, Andrea Maliqari ka bere te ditur se rezultatet e konkursit do te dalin ne daten 6 shtator. Ai tha se per korrigjimin e testeve jane angazhuar pedagoget e brendshem te fakultetit por edhe eksperte te jashtem, sic jane eksperte te Bashkise. “Procesi i vleresimit fillon pasneser, menjehere pas mbylljes se fazes se dyte. Ne kemi marre masat per organizimin e vleresimit te provimeve. Vleresimi do te behet nga nje numer prej 25-30 vleresuesish. Eksperte te fushes se Arkitektures dhe Urbanistikes. Vleresimi eshte elektronik. Secili nga vleresuesit vlereson ne menyre elektronike ne menyre te pavarur. Fleta elektronike e secilit kalon ne skaner dhe piket kalojne ne barkodet e secilit maturant. Pra vleresuesi nuk ka dijeni per vleresimin e kolegut te tij. Ata bejne vleresim ne menyre te pavarur. Ne momentin qe perfundon procesi i vleresimit per cdo barkod, detektoret bejne llogarite, vendosin emrin e studentit dhe piket qe ka marre. Vleresuesit jane pedagoget e brendshem por jane edhe specialiste te fushave perkatese ose te institucioneve qe jane te interesuara per kete produkt qe del, sic eshte Bashkia, Shoqata e Arkitekteve dhe Agjencia Kombetare e Urbanistikes dhe Planifikimit”, ka bere te ditur dekani i Fakultetit te Arkitektures, Adrea Maliqari. Nderkaq prinderit e shumte qe prisnin jashte dyerve te Pallatit te Kongreseve pohojne se femijet e tyre kishin ndjekur kurse private per te qene te pergatitur per konkursin e Arkitektures. “Une po pres djalin i cili eshte brenda po jep provimin. E ka pasur gjithmone qejf Arkitekturen dhe gjate veres ai ka mesuar me nje pedagog per te qene i pergatitur per kete dite”, tregon Marjeta, nena e njerit prej maturanteve qe iu nenshtruan dje fazes se pare te konkursit te Arkitektures. Nderkaq gjate dites se sotme maturantet do t’i nenshtrohen fazes se dyte te konkursit qe eshte nje vizatim ne natyre, vendi ende mbahet sekret nga drejtuesit e fakultetit.