Prodhohet karta e identitetit 3 milionte ne Shqiperi

Prodhohet karta e identitetit 3 miliontë në Shqipëri. I pranishëm në qendrën e prodhimit të Kompanisë Aleat është edhe ministri i Brendshëm Bujar Nishani, i cili tha se Shqipëria është ndër më të lartat në rajon në pajisjen me letërnjoftime dhe duke i shtuar kësaj elementet e lartë të sigurisë përbën një nga arritjet më serioze të qeverisë për të ofruar shërbime dinjtoze për qytetarët.
Ministri Nishani tha se edhe pse nuk ka shumë kohë që nga nisja e këtij projekti të qeverisë është bërë e mundur arritja e një standari të lakmueshëm dhe lehtësitë e përdorimit të letërnjoftimit elektronik, pavarësisht numrit të lartë të spektikëve për këtë projekt të qeverisë.
“Projekti ambicioz i qeverisë, cilësia e “Aleat” dhe bashkëpunimi i qytetarëve bënë të mundur arritjen e një standardi të lakmueshëm dhe lehtësisë për të ëprdorur letërnjoftimin elektronik. Pak kohë më parë kur qeveria shpalli këtë projekt pati shumë skeptikë të cilët shprehën mosbesimin e tyre për këtë projekt dhe realizimin e objektivit të qeverisë, por edhe mosbesimin tek koncensionari për të prodhuar këtë””-deklaroi Nishani.
Më tej ai shtoi se ambiciet e qeverisë nuk ndalen dhe duke përfituar nga teknologjitë dhe mundësitë e shumta për përfitime të tjera, parashikohen të ofrohen shërbime të lira për shkak të disponimit të këtij dokumenti.
Gjithashtu Nishani tha se ajo që është thelbësore për të drejtat themelore është përfitimi i shërbimit të sigurt, të shpejtë dhe qytetar.