Prodi: Reforma ne drejtesi dhe zgjedhje

Kryeministri italian, Romano Prodi, i beri te qarte dje qeverise dhe deputeteve, se vetem nga reformat varet anetaresimi i Shqiperise ne NATO dhe Bashkimin Evropian. Duke folur nga foltorja e Kuvendit, Prodi dha mesazhe te qarta, se nese Shqiperia kerkon te vijoje rrugen drejt Brukselit, ajo qe duhet bere, eshte vetem reforma, reforma dhe perseri reforma. "Vendet ballkanike, nga ana e tyre, duhet te vazhdojne modernizimin dhe reformat. T'i mbajne edhe ato fjalen e dhene dhe angazhimet e marra. Kohezgjatja e ketij procesi do te varet ne shkalle te gjere edhe nga ritmi i ketyre ndryshimeve", nenvizoi Kryeministri italian. Apeli, qe vazhdimisht godet klasen politike, vjen ne kushtet kur dy reformat kryesore, ajo zgjedhore dhe ne sistemin e drejtesise, jane te ngrira. Ne keto kushte, Kryeministri Prodi u tha dje ne Kuvend deputeteve, se perparesite e njohura, qe duhet te realizohen me shpejt ne Shqiperi, jane reforma ne sistemin e drejtesise, lufta ndaj fenomeneve kriminale dhe nje sistem zgjedhor modern. "Mbi te gjitha, do te duhet t'u tregohet atyre, qe akoma kane dyshime, se vendi di t'i beje balle zotimeve, si dhe te marre pergjegjesite e tij", vijoi Prodi. Pavaresisht ketyre thirrjeve, Kryeministri i premtoi Kryetares se Kuvendit, Jozefina Topalli, pak para se te largohej nga Kuvendi, se Senati italian do e ratifikoje brenda kesaj jave marreveshjen e Stabilizim-Asociimit mes Shqiperise dhe Bashkimit Evropian. Prodi theksoi se Italia do te vazhdoje te jape pjese e saj, per pershpejtimin e procesit te integrimit. Nga ana e saj, Kryetarja e vleresoi viziten e Prodit, si nje ngjarje te rendesishme, qe do i jape impulse te reja marredhenieve mes dy vendeve. "Shpreh mirenjohjen per kujdesin e treguar nga shteti italian dhe per mbeshtetjen qe i ka dhene dhe po i jep emigranteve shqiptare ne perpjekjet e tyre per integrim ne vendin tone fqinj, ku ata punojne dhe jetojne", tha Kryetarja. Kryeministri Prodi u prit ne mbremje dhe nga Presidenti, Bamir Topi.
R. Rapushi
Incidenti
Vetem pak minuta se Kryeministri italian Prodi te shkelte ne Kuvend, ku do te mbante dhe fjalim para deputeteve, ne salle del jashte funksionimit fonia. Mikrofoni i foltores se Kuvendit, aty ku do te fliste Prodi dhe mikrofoni i Topallit nuk funksiononin. Te gjithe tekniket e Kuvendit u angazhuan te rregullojne demin dhe ne pamundesi per ta riparuar ne moment, ata moren mikrofona nga deputetet per te mos humbur me kohe.
Rikthimi
Ish-lideri socialist, Fatos Nano, shkeli dje pas nje kohe te gjate mungese ne sallen e Kuvendit. Vizita e Kryeministrit italian, Romano Prodi, beri qe Nano te marre pjese ne seancen e paradites plenare, per ta lene ate menjehere pas largimit te Prodit. Ish-kryeministri duket rralle ne Kuvend. Prania e tij eshte vene re vetem ne momente te rendesishme per vendin, si vizita te personaliteteve te ndryshme.
Premtimi
Kryeministri italian, Romano Prodi, i premtoi dje Kryetares se Kuvendit, Jozefina Topalli, se Senati italian do e ratifikoje brenda kesaj jave MSA mes Shqiperise e BE-se. Prodi nuk u kujtua ta beje ne salle kete premtim, por vetem ne shkallet e jashtme te Kuvendit. Sapo do te hipte ne makinen per te dale nga Kuvendi, Prodi kthehet dhe ritakon Topallin, per t'i premtuar se marreveshja do te ratifikohet edhe nga Italia kete jave.