Projektbuxheti 2010 ne Kuvend ne fillim te nentorit

Projektbuxheti i vitit 2010 pritet te kaloje per shqyrtim ne Kuvend ne gjysmen e pare te nentorit. Ministri i Financave, Ridvan Bode ka deklaruar se buxheti i vitit 2010 do te kete prioritet arsimin, shendetesine, bujqesine, si dhe investimet publike. Totali i te ardhurave ne vitin 2010 parashikohet te arrije 368.309 milione leke, nder te cilat te ardhura nga tatimet dhe doganat parashikohen te arrijne 254.713 milione leke me nje trend rritjeje vjetore ne nivelin 12%. Nderkohe, ne projektin paraprak te Ministrise se Financave, totali i shpenzimeve ne vitin qe vjen parashikohet te arrije 411.735 milione leke. Vitin qe vjen parashikohet qe deficiti buxhetor t'i afrohet 3 perqindeshit. Ajo qe eshte e vecante ne prioritet ne kete buxhet trevjecar, pas infrastruktures, eshte zhvendosja e ritmeve te rritjes ne sektore social, kryesisht arsim dhe shendetesi, ndersa do te kete ne kete mandat te ri te qeverisjes nje prioritet te katert, qe do te jete bujqesia. Edhe ne vitin 2010, infrastruktura rrugore do te mbetet prioritet. Ne projektin e Ministrise se Financave parashikohen te investohen gati 40 miliarde leke nga 45 miliarde leke qe eshte fondi ne total. Nder objektivat per vitin 2010 jane ndertimi dhe rehabilitimi i 156 km rruge te rrjetit kombetar me dy dhe kater korsi si: Kukes-Morine, Bulqize-Bllate-U.Cerenecit, Leskovik-Tri Urat, Levan-Vlore, Ura e Shkodres-F.Arres, etj. Ne vitin qe vjen gjithashtu parashikohen investime per sistemim, asfaltim dhe riveshje te rreth 217 km rruge si: Dardhe-U.Drinit, B.Curri-Has, rruga e Voskopojes, Traget-Fierze, Kucove-Belsh-Cerrik etj.