Projekti i punesimit, 300 aplikante ne zyrat e punes

Rreth 300 punekerkues te papune jane regjistruar gjate ketyre diteve ne zyrat e punesimit. Sipas procedurave te reja te percaktuara tashme, ketyre personave u duhet te plotesojne vetem nje formular me te dhenat e tyre dhe keto do t’iu paraqiten firmave apo subjekteve private. Edhe keto te fundit ne te njejten menyre do te aplikojne, duke ofruar vendet e tyre te punes, nderkohe qe zyrat e punesimit do te jene ndermjetesuesit per percaktimin e ketyre vendeve te punes. Ne baze te nje projekti, te financuar nga qeveria shqiptare dhe fondeve te vena ne dispozicion, ata persona, qe jane te papune, do t’u sigurohet nje vend pune, nderkohe qe kompanite jane te detyruara te zbatojne kushtet e percaktuara. Nje nder kushtet qe duhet te plotesojne kompanite private eshte pagesa e sigurimeve ne masen 0.5 per qind per te punesuarit, ne rast te aksidenteve. Kjo pagese do te behet mbi pagen baze qe eshte ne rang vendi pra, 17 mije leke. Kurse per sa u perket afateve te punesimit, nje person i papune duhet te regjistrohet si i tille brenda nje muaji dhe jo tre muajve, sic ka qene deri me tani. Per nje periudhe 1-vjecare paga e ketyre punonjesve financohet nga projekti, me pas eshte vete firma qe vendos nese e mban ose jo ne pune kete punonjes.