Projekti, nis mbjellja e 6 mije pemeve ne Tirane dhe te Liqeni

Me qellim rritjen e siperfaqes se gjelber dhe permiresimin e cilesise se mjedisit ne Tirane, si dhe ne kuader edhe te iniciatives mjedisore "Nje qytetar - nje peme", bashkia e Tiranes nisi mbjelljen e mbi 50 pemeve te llojit rrap, ne bulevardin "Zhan D'Ark". Kryetari i bashkise se Tiranes Edi Rama, vleresoi punen serioze dhe teper te suksesshme qe eshte bere nder vite, per shtimin e siperfaqes se gjelber ne qytet e si rrjedhoje per permiresimin e cilesise se jetes se banoreve ne te gjithe komunitetin e Tiranes. Ai deklaroi se projekti parashikon mbjelljen e 3 mije pemeve ne qytet dhe 3 mije te tjerave ne Parkun Kombetar te Liqenit. Keshtu, ne total numri i pemeve te mbjella gjate ketyre viteve, arrin ne mbi 20 mije, duke forcuar ndjeshem siperfaqet e gjelbra. "Perfitoj nga rasti te theksoj se ky numer do te shkoje ne rritje edhe fale projektit "Nje qytetar-nje peme", qe ne do ta veme ne levizje me sipermarrjen kryeqytetase", tha Rama. Ai i ftoi te gjithe sipermarresit e Tiranes, qe te behen pjese e ketij projekti, duke financuar mbjelljen e nje peme per cdo punonjes te tyre, si nje detyrim ndaj femijeve tane dhe brezave qe vijne, te cileve do t'u leme nje qytet me nje dimension te gjelber te padiskutueshem dhe me nje cilesi jete sic e meritojne. Banka Kombetare Tregtare, ishte nje nga kontribuuesit qe iu bashkua kesaj nisme, kete fillim dhjetori, duke bere te mundur mbjelljen e 50 pemeve ne bulevardin "Zhan D'Ark", nje nga arteriet kryesore te kryeqytetit. Bashkia e Tiranes, permes kesaj iniciative, synon gjithashtu te ndergjegjesoje komunitetin kryeqytetas dhe njekohesisht te sensibilizoje sipermarrjet private e institucionet e ndryshme, per t'iu bashkuar punes dhe perpjekjeve te ketij institucioni, ne funksion te permiresimit te cilesise se mjedisit.