Dijet e shkolles se mesme, testim me nje provim te vetem

Strategjia e Arsimit parauniversitar parashikon qe dijet e marra ne shkollen e mesme do te testohen me nje provim te vetem. Ne strategji nuk jepen detaje per menyren se si do te organizohet testi, por ama fakti ka te beje me ate qe do te jete vecse nje provim. Nga ana tjeter, ndonese nuk eshte vendosur zyrtarisht, mendohet se lenda e Letersise do te kaloje si lende me zgjedhje, gje qe ka cuar ne indinjaten e shtepive botuese dhe atyre qe kane dhene kontributin ne Letersine Shqipe. Megjithate, ende nuk eshte percaktuar konkretisht nje gje e tille. Aktualisht, dijet e arsimit parauniversitar provohen me nje sere testesh. Behet fjale per dy provimet me detyrim qe jane ai i Letersise dhe i Matematikes. Gjithashtu, zhvillohen edhe dy provime me zgjedhje, te vlefshme per pranimin ne institucionet e arsimit te larte. Ne kete menyre, ne draftin e arsimit parauniversitar parashikohet nje permbysje pothuaj totale e menyres se funksionimit te arsimit ne vendin tone. Nje gje e tille do te coje ne permbysje te menyres se pranimit edhe ne universitete megjithate, ne nje te ardhme jo te larget, pritet qe te detajohet menyra e sakte e funksionimit.