"Prokurori-gjyqesor, te pavarur"

TIRANE - "Raporti i Freedom House per respektimin e pavaresise se gjyqesorit dhe sistemit te drejtesise, e rendit Shqiperine te paren ne rajon per permiresimin e ndjeshem, te pavaresise se institucioneve dhe kuadrit ligjor ne qender te se cilit jane gjyqesori dhe prokuroria". Lajmi u be i ditur dje nga zedhenesja e qeverise, Majlinda Bregu, e cila citoi raportin e Freedom House. "Sipas Freedom House nga vendi i fundit qe ishte ne vitin 2005, kete vit Shqiperia renditet ne vendin e pare ne rajon, duke permiresuar indeksin me 0.5 pike, nga 4.5 ne 4.00. Raporti vlereson punen e bere nga qeveria per miratimin e ligjeve ne Parlament, sikurse ligji i organizimit te gjyqesorit, mbrojtja e te dhenave personale, ndryshimet ne ligjin per falimentimin, ndryshime dhe shtesa ne ligjin per te drejtat e te denuarve me burgim apo ndryshimet e bera ne Kodin Penal per mbrojtjen e te drejtave te minoreneve", u shpreh Bregu, duke cituar raportin qe ben fjale per vitin 2007, ne nje kohe kur kulmi i debatit per institucionet e pavarura shpertheu kete vit. Sipas ministres, ne raport vleresohen dhe projektligjet e Ministrise se Drejtesise me eksperte te huaj dhe vendas. Sipas Freedom House, qeveria ka miratuar nje sere ligjesh qe presin miratimin e Parlamentit, ndersa diskutohen ne Komisionin e Ligjeve dhe me grupet e ndryshme te interesit, sikurse eshte projektligji "Per administraten gjyqesore", ndryshime ne Kodin Penal per permiresimin e dispozitave lidhur me alternativat e denimit dhe ngritjen e Sherbimit te Proves, permiresimin e statusit te Policise se Burgjeve per arritjen e nje trajtimi me cilesor te se denuarve me burgim etj. "Raporti vlereson se ne bashkepunim me eksperte te huaj dhe vendas, Ministria e Drejtesise ka ne proces draftimi, projektligjin per ndryshime dhe shtesa "Per organizimin dhe funksionimin e Prokurorise ne Republiken e Shqiperise", projektligjin "Per te drejten nderkombetare private"; projektligjin "Per disa shtesa dhe ndryshime ne ligjin e Keshillit te Larte te Drejtesise"; projektligjin "Per bashkepunimin gjyqesor nderkombetar"; Projektligjin per policine gjyqesore, etj" theksoi Bregu duke prekur keshtu ceshtjet me te nxehta te politikes shqiptare. Zedhenesja e ekzekutivit permendi se tre raportet e fundit te Freedom House, pasqyrojne progresin e pamohueshem te Shqiperise ne 3 vitet e fundit.