Prokuroria heton policët: Nuk i dhanë ndihmë gjykatësit Konomi

Mësohet se prokuroria e krimeve të rënda po heton edhe policët që mbërritën në vendngjarje, tek makina e gjykatësit Skerdilajd Konomi. Ata rrezikojnë padi për shkak se nuk e kanë ndihmuar Konomin. Trupi i tij ishte nxjerrë nga makina nga disa kalimtarë, por më pas askush nga policët nuk u afrua në pritje të ambulancës. Trupi i tij u la në asfalt për rreth 20 minuta, derisa mbërriti zjarrfikësja. Siç kanë treguar pamjet filmike, policët bënin sehir. Ambulanca u vonua për shkak se qyteti ka vetëm një të tillë. Po ashtu, prokuroria thotë se zjarrfikësja ka fshirë gjurmët nga makina pasi ka përdorur ujë për zjarrin dhe jo shkumë.