Prokuroria sekuestron zyren e Vokshit merr dokumentet origjinale te HEC-eve
Nje hetues i njesise Task-Force ne Prokurorine e Tiranes pergjate 48 oreve te fundit eshte instaluar prane Ministrise se Ekonomise per te marre prej andej dokumentet origjinale te koncesioneve te HEC-eve. Burime nga akuza e kryeqytetit deklarojne se hetuesi ne fjale ka keqyrur zyren e privatizimeve ku deri para pak muajsh drejtohej nga Mimoza Vokshi motra e deputetes Albana Vokshi per te verifikuar te gjitha materialet per lejet koncesionare qe i jane dhene firmes se Arjan Tartarit bashkejetuesit te deputetes. Hetimi i nisur ne fund te muajit gusht nga njesia Task-Force ne Prokurorine e Tiranes parashikon verifikimin e te gjitha procedurave te ndjekura per dhenien me koncesion te disa HEC-eve dhe dhenien me koncesion te se drejtes per kerkim dhe shfrytezim nafte ne jug dhe juglindje te vendit. Procedimi penal u regjistrua ne baze te dokumenteve te bera publike nga deputeti Erjon Brace.
Ditet e fundit hetimet per koncesionet e HEC-eve jane intensifikuar dhe krahas marrjes se materialeve nga ministria po shikohet mundesia e thirrjes ne prokurori te te implikuarve. Grupi hetimor deklaron se do tu dergoje flete-thirrje te gjithe personave te permendur nga politika perfshire ketu edhe motren e deputetes Vokshi. Nderkohe hetuesit e ceshtjes kane marre ne Keshillin e Ministrave procedurat e ndjekura dhe dokumentacionin e administruar ne rastin e dhenies se lejeve koncesionare per kerkimet ne fushen e naftes dhe ndertimin e HEC-eve per llogari te Arian Tartarit.
Dokumentet e sekuestruara po analizohen nga prokuroret e ceshtjes te cilet ne fund do te vendosin edhe per hapat e metejshem. Hetuesit e ceshtjes pohuan se deputeti i PS-se Brace ka depozituar nje numer te konsiderueshem vendimesh ne lidhje me kete ceshtje. Por sipas tyre te gjitha keto vendime jane rimarre edhe njehere ne ministri pasi nevojiteshin shkresat origjinale. Hetimet kane nisur per verifikimin e procedurave te hapjes se tenderit per koncesionet menyren e perzgjedhjes se firmes fituese si dhe hetimin per ndikimin e mundshem qe mund te kete pasur ish-keshilltarja ekonomike e Kryeministrit Sali Berisha tashme deputetja e Partise Demokratike Albana Vokshi per perzgjedhjen e firmes fituese. Sipas akuzes pjese e hetimit eshte edhe roli i motres se Albana Vokshit Mimozes e cila ne ate kohe ishte drejtoreshe koncesionesh dhe privatizimesh ne Ministrine e Ekonomise. Sipas vendimeve te Keshillit te Ministrave rezulton se bashkejetuesi i deputetes Vokshi Arjan Tartari dhe kompanite ku ai eshte aksioner apo administrator kane perfituar kater nga gjashte koncesionet per kerkim-shfrytezimin e vendburimeve te naftes dhe gazit ne vend. Koncesionet jane fituar ne kohen qe Vokshi ishte keshilltare ekonomike e Kryeministrit Berisha dhe me pas si deputete e Kuvendit te Shqiperise. Vlera totale e ketyre aksioneve sipas denoncimeve te PS-se kap shifra qindra milione dollareshe.