Pronat, regjistrimi per shtate dite
Kushdo qe blen nje prone tashme do te kete te drejte te regjistroje kete prone brenda nje jave dhe jo te prese per nje muaj. Ky vendim u more diten e djeshme gjate mbledhjes se Task-Forces per Reformen Rregullatore, mbledhje e cila u drejtua nga kryeministri Sali Berisha. Ne mbledhjen e djeshme ku ishin te pranishem edhe nje pjese e mire e ministrave, u vendos te hiqej afati 30 ditore per regjistrimin e nje prone, duke u reduktuar ndjeshem ne vetem shtate dite. Nga ana tjeter sipas vendimit te marre dje nga Task-Forca, theksohet se do te kete nje thjeshtim te ndjeshem te procedurave per regjistrimin e pronave, pervec uljes se diteve per regjistrim. Sipas njoftimit per shtyp te kesaj mbledhjeje, Task-Forca analizoi dje punen e bere per legalizimin e procedurave, duke theksuar domosdoshmerine e lehtesimit te metejshem te procedurave te panevojshme, si dhe uljen e kostos per biznesin. Ne kete kuader, kur pronat mbeten ende problematike ne vend, ky vendim eshte marre ne baze te permbushjes se kushteve, per nje funksionim sa me te mire te ketij procesi, i cili jo ne pak raste ka sjell zvarritje te shumta per biznesin. Ky vendim duket se do t'i hape rrugen nje regjistrimi sa me te shpejte edhe pa probleme, per sa i perket pronave te bizneseve. Por me pare Zyra Qendrore e Regjistrimit te Pasurive te Paluajtshme, ka ndermarre disa masa qe synojne ne zbutjen e barrierave burokratike, kryesisht per biznesin. Ne kete kuader prej muajsh ne zyrat e hipotekave, ne te gjithe vendin jane hapur sportele dhe sektore te posacem per pershpejtimin e punes. Keshtu sipas drejtuesve te hipotekes, tashme kohezgjatja e aplikimit dhe perpunimit te dosjeve per biznesin eshte shume e shkurter. Po keshtu, aplikimet per transaksione nepermjet bankave zgjasin vetem 48 ore, ndersa eshte lehtesuar ndjeshem rruga burokratike qe ata duhet te ndjekin. Po keshtu ne ZRPP eshte bere edhe modernizimi i sistemit te regjistrimit te pasurive te paluajtshme. Kjo eshte realizuar nepermjet projektit LAMP te Bankes Boterore, qe konsiston ne kompjuterizimin e sistemit dhe te gjitha te dhenave. Modernizimi do te beje qe aplikimet te trajtohen ne nje kohe rekord dhe aksesi te te dhenat e ZRPP-se te jete sa me i lehte. Me pare kryeministri Berisha ne deklaratat e tij publike, ka theksuar se reforma ne sistemin e pronesise ishte edhe nje nga ceshtjet kryesore dhe prioritare te qeverisjes se tij. Ne kete kuader, kreu i qeverise ka theksuar se gjate vitit te ardhshem priten shume nisma dhe iniciativa te reja ligjore te cilat do t'i japin edhe nje hov te ri reformes ne sistemin e pronesise. Kjo reforme nga ana tjeter eshte konsideruar gjithnje shume e rendesishme edhe per faktorin nderkombetare qe monitoron zhvillimet ne vendin tone. Nderkohe qe sipas vendimit te fundit te qeverise, personat, te cilet zoterojne dokumente per nje prone, por nuk kane te percaktuar siperfaqen e saj, tashme mund ta regjistrojne ate, duke bere nje kerkese prane ZRPP-ve dhe me pas te ndjekin procedurat e tjera. Fatjona Mejdini