Protesta e radhës në Shkodër

 

Ndalesa e radhës e protestës së opozitës do të jetë qyteti i Shkodrës. Pas Tiranës dhe Beratit, Shkodra është një tjetër qark për të cilin socialistët luftuan në KQZ, por dhe në Kolegjin Zgjedhor për të hapur kutitë e votimit. Madje, pas disa fakteve të bëra publike nga PDK për defekte në numërimin e votave në qarkun e Shkodrës, socialistët pretendojnë se në kutitë e këtij qarku mund të ketë dhe një mandat tjetër deputeti. Protestat e opozitës do të intensifikohen në të gjithë vendin për të kulmuar më 20 nëntor në Tiranë në një protestë që pritet të ketë shumë njerëz.