Protesta ne Malin e Zi perfundon me 34 te plagosur

Partite ne pushtet ne Mal te Zi dhe ato opozitare kane thene se nuk jane fajtore per dhunen ne protesten e dy diteve me pare e cila perfundoi me 34 te lenduar. Rreth 10 mije protestues kerkuan nga qeveria, qe te terheqe vendimin per njohjen e pavaresise se Kosoves. Partia Social-Demokrate e Milo Gjukanovicit ka akuzuar opoziten duke thene se "pergjegjesite per vandalizmin duhet te bien mbi organizatoret, qe nuk dine se si t'i artikulojne qendrimet me mjete demokratike". Lideri i opozites Predrag Popovic deklaroi se perleshjet jane nxitur nga disa te rinj, qe kane provokuar policine, posacerisht ate sekrete. "Ne do te perdorim te gjitha mjetet demokratike per te arritur ate qe po kerkojme", ka thene Popovic. Sipas Qendres Urgjente ne Podgorice ne protestat qe filluan te henen ne mbremje per shkak te njohjes se Kosoves nga Mali i Zi, jane lenduar 12 police, ndersa pjesa tjeter jane civile dhe shumica prej tyre rezulton me lendime te lehta. Ministria e Brendshme malazeze beri te ditur se situata eshte qetesuar pas ores 21.00. Ministri i Brendshem, Jusuf Kalamperovic deklaroi se policia patjeter eshte dashur te reagoje ne Podgorice, per shkak se ajo ishte provokuar dhe nxitur nga protestuesit. "Policia patjeter eshte dashur te reagoje, pasi protestuesit kane filluar me gure dhe gjesende te renda te sulmojne ndertesen e Parlamentit dhe ndertesave perreth", theksoi ministri Kalamperovic. Protestat jane organizuar nga Partia Popullore Serbe, Partia Popullore, Partia Demokratike Serbe dhe Lista Serbe, per shkak te njohjes se Kosoves nga qeveria malazeze. Kerkesat e protestuesve kane qene qe qeveria e Mali te Zi te anuloje vendimin per njohjen e Kosoves dhe te shpallet referendum ku qytetaret te deklaroheshin per njohjen ose jo te Kosoves.