Protestat në Greqi do të vazhdojnë së paku deri Vitin e Ri

Athinë- Protestat e studentëve dhe nxënësve grekë, që shpërthyen pas vrasjes së të riut 15 vjeçar, të vrarë nga policia më 6 dhjetor, do të vazhdojnë së paku deri Vitin e Ri. Këtë sot e lajmëroi gazeta greke "Vima", ku bëhet e ditur se studentët dhe nxënësit do të vazhdojnë me organizimin e tubimeve dhe protestave, me bllokimin e rrugëve dhe me marrjen nën kontroll të shkollave dhe fakulteteve. Tani për tani në Greqi janë marrë nën kontroll 600 shkolla dhe një pjesë më e madhe e fakulteteve, ku nuk mbahet mësimi. Nga Ministria greke e Arsimit, druhet se protestat do të vazhdojnë edhe pas festave. Sipas paralajmërimeve, të premten do të mbahet takim i tri federatave - të profesorëve universitarë, si dhe të profesorëve të shkollave të mesme dhe fillore. Ata duhet të vendosin se çfarë masa do të ndërmarrin pas Vitit të Ri