Pukë, Rezervat e Shtetit shpërndajnë 300 pako ushqimore në zonat e mbuluara nga dëbora

Në Bashkinë e Pukës mbërritën mbrëmjen e së martës ndihma ushqimore nga Drejtoria e Emergjencave Civile dhe Rezervat Materiale të Shtetit për t’i ardhur në ndihmë banorëve të zonave të përfshira nga dëbora.

Bashkia e Pukës bën të ditur se “automjetet e FA-së sollën 300 pako me ushqime dhe detergjent, të cilat sot e në vijim do të nisen drejtë njësive administrative”.

Bashkia Pukë thekson se “do të vijojë përpjekjen për solidaritet dhe ndihmë ndaj çdo familje në nevojë në territorin e bashkisë Pukë me qëllim kalimin e situatës dimërore pa vështirësi kryesisht për familjet në zonat rurale ku rrezikohet dhe izolimi”.