Punonjësit e burguttë Bëncës dhurojnëgjak për talasemikët

TEPELENë- Punonjësit e burgut të sigurisë së lartë Bëncë, në Tepelenë u janë bashkuar nismës për dhurimin e gjakut. Ka qenë iniciativë e përbashkët e degës lokale të Kryqit të Kuq dhe këtij institucioni që organizuan seancën e dhurimit të gjakut në ambientet e burgut.

25 punonjësit, pjesë e shërbimit policor dhe ushtarak të burgut të Bëncës nuk kanë nguruar të dhurojnë gjak, i cili parashikohet të shkojë për të gjithë fëmijët talasemikë në vend. Qëllimi tjetër i kësaj nisme është dhe sensibilizimi i institucioneve të tjera që ti bashkohen për të ndihmuar fëmijët të cilët kanë nevojë për gjak.
(m.a/News24/BalkanWeb)