Puyol lëndohet sërish
Carlos Puyolin nuk po e lënë rehat lëndimet. Mbrojtësi spanjoll e pësoi lëndimin e radhës të shtunën mbrëma, në ndeshje me Getafen.
34 vjeçari dëmtoi ligamentet e gjurit në minutën e 50-të dhe u detyrua ta lëshonte fushën para kohe, duke ia lënë vendin argjentinasit Javier Mascherano.
Ky lëndim është vazhdimësi e atij të pësuar muaj më parë, i cili e kishte lënë jashtë Evropianit, ngase Puyol ishte detyruar t’i nënshtrohej intervenimit kirurgjik.
Kjo ishte paraqitja e dytë e Puyolit, që prej rikthimit të tij. Mirëpo, spanjolli pritet të mbetet jashtë edhe 4-6 javë të tjera.