QSUT, 658 vdekje vitin e kaluar

Rreth 658 vdekje jane shenuar gjate vitit te kaluar ne Qendren Spitalore Universitare “Nene Tereza”. Sipas te dhenave te ketij institucioni, rezulton se gjate nje muaji rreth 50 persona nuk kane mundur qe te perballojne semundjen. Ndersa numri me i larte i humbjeve te jetes ka qene gjate muajve prill dhe janar, perkatesisht me 73 dhe 71 raste. Nderkohe qe nuk jepet asnje e dhene se cilet kane qene shkaktaret apo semundjet qe nuk kane mundur te kurohen nga mjeket dhe personeli i kesaj qendre spitalore. Kurse per sa u perket muajve, me me pak raste te humbjes se jetes kane qene dhjetori, ku nuk eshte shenuar asnje rast si dhe shtatori me 43 raste. “Rastet e vdekjeve qe jane shenuar ne qendren tone spitalore kane qene se semundja ka qene shume e rende dhe nuk ka mundur qe te perballohet nga pacientet. Ose edhe kur ne nuk kemi ato sherbime te specializuara, te cilat mund te cojne ne sherimin e pacientit”, kane pohuar drejtuesit e ketij institucioni.