Mjeket e familjes, specializim per vendosjen e spiraleve

Mjeket e familjes pervec vizitave te zakonshme qe kryejne, tashme do te merren edhe me vendosjen e spiraleve, kontraceptiveve afatgjate (diapozitivi intrauterin) per parandalimin e shtatzenise dhe lindjeve te padeshiruara. Kjo nderhyrje mund te kryhet vetem tek ato gra, te cilat kane kryer nje lindje apo me shume dhe nuk duan qe te kryejne aborte apo lindje te tjera. Ne projektin e hartuar nga Ministria e Shendetesise se bashku me nje universitet amerikan do te trajnojne mjeket e sherbimit ambulator per vendosjen e ketyre spiraleve te femrat, nderkohe qe kjo nderhyrje deri me tani eshte kryer vetem ne maternitete. “Pervec sigurimit te kondomeve falas ne qendrat shendetesore dhe konsultoreve, tashme do te jete nje tjeter projekt nga Ministria e Shendetesise. Ky projekt ka te beje me trajnimin e mjekeve te sherbimit ambulator per vendosjen e kontraceptiveve afatgjate”, deklaroi dje zedhenesja e Ministrise se Shendetesise, Zhaneta Tomcini. Po sipas projekteve, eshte parashikuar qe deri ne vitin 2010, institucioni me i larte shendetesor do te siguroje dhenin e kontraceptiveve falas ne te gjithe sektorin publik.
Ulja e numrit te aborteve dhe shtatzenive te padeshiruara ka detyruar Ministrine e Shendetesise per marrjen e ketyre masave. Nderkohe qe sot numerohet 1 abort per pese lindje te gjalla. Per sa i perket vdekshmerise foshnjore ajo ka ardhur ne ulje nga viti ne vit, gjate 2007 te dhenat kane treguar se jane 13 vdekje te femijeve per 1 mije lindje. Nga 41,5 vdekje per 1 mije lindje gjalle ne 1990, ne 13 vdekje per 1 mije lindje gjalle ne 2007, megjithate mbetet larg shifrave te vendeve te Bashkimit Evropian. Ne rrethet e zonave verilindore, si Diber, Malesi e Madhe, Mirdite, kjo vdekshmeri eshte dy here me e larte. Por, sipas Ministrise se Shendetesise, vdekshmeri te larte foshnjore kane edhe disa rrethe te medha te vendit si Tirana dhe Elbasani.