Lentet e syve, rekord operacionesh ne QSUT
Sonila Isaku
Lentet e syve kane shenuar numrin me te madh te operacioneve te kryera ne Qendren Spitalore Universitare “Nene Tereza” gjate vitit te kaluar. Ne spitalin e ORL-se (otorino-laringologjise) jane kryer 1630 nderhyrje per vendosjen e lentave te kontaktit per personat, te cilet kane veshtiresi ne shikim. Nderkohe qe te dhenat tregojne se mosha qe ka kryer keto operacione ka qene pikerisht mosha e trete. “Numrin me te madh te operacioneve per nje lloj semundjeje e kane kryer mjeket e ORL-se dhe pikerisht ata okuliste, te cilet kane kryer nderhyrje per vendosjen e lentave te syve”, ka theksuar dje drejtori i QSUT-se, Mati Pepa. Sipas tij, keto lloj nderhyrjesh zene pothuajse 10 per qind te te gjitha nderhyrjeve qe mjeket dhe profesoret e QSUT-se kane kryer gjate vitit te kaluar. Personat qe kane kryer keto nderhyrje kane shenuar te gjitha moshat duke filluar nga te rinjte per eliminimin e syzeve optike ashtu edhe te te moshuarit per largimin e perdeve te krijuara ne sy dhe qartesimin e shikimit. Nderkohe qe ka shume persona te moshave te ndryshme te cilet nuk pranojne te mbajne syze dhe vendosin lentet, nese mjeket i keshillojne per to.
Por, pervec semundjeve te syve, shqiptaret jane te prekur edhe nga semundje si apendiciti dhe koliti. Keshtu, gjate vitit te kaluar jane kryer 1119 operacione per apendicitin dhe 770 operacione per semundje te zorres se trashe, qe kane te bejne me kolitin. “Nje numer te madh operacionesh kane qene edhe per apendicitin, i cili ndonese konsiderohet si me i thjeshti, perseri vazhdon te mbaje shifra te larta”, eshte shprehur Pepa gjate analizes vjetore. Sipas tij, ajo qe mbetet shqetesuese eshte numri i larte i operacioneve qe kryhen per semundjet tumorale. Per keto lloj semundjesh te rrezikshme, gjate vitit te kaluar jane shenuar rreth 650 operacione, nderkohe qe edhe nderhyrjet per marrjen e biopsise, qe dyshohet per keto lloj semundjesh, jane ne shifra te larta, 315 te tilla. Nderkohe qe numri me i paket i operacioneve eshte shenuar per semundje te kockave si thyerje apo krisje, me 219 raste te tilla. Por, i njejti numer eshte shenuar edhe per operacionet e synetit te meshkujt, te cilet per shkak te problemeve kane kryer 219 nderhyrje gjate vitit te kaluar.