QSUT, pa “doktor” per aparaturat
Sonila Isaku
Qendra Spitalore Universitare “Nene Tereza” qe nga fillimi i ketij viti nuk ka asnje person qe te kujdeset per mirembajtjen e aparaturave mjekesore. Jetegjatesia e tyre tashme eshte ne dore te fatit, nderkohe qe skaneri vazhdon te mbetet jashte funksionit per shkak te fondeve dhe te eksperteve te ketyre teknologjive. Ndonese ishte nenshkruar nje kontrate njevjecare me keto firma, ajo ka perfunduar ne fund te vitit 2007, dhe asnje nga punonjesit nuk shkel me ne spitale per te pare ecurine e aparaturave. Jane vete mjeket specialiste, te cilet kujdesen si per mirembajtjen e tyre ashtu edhe per pastrime apo edhe sherbime te tjera. Sipas burimeve nga QSUT, sherbimi i biomedikalit ndodhet ne veshtiresi per vete faktin se kontratat e sherbimit dhe mirembajtjes se pajisjeve mjekesore me kompanite ekskluzive kane perfunduar ne fund te vitit.
Menjehere pas perfundimit te kontrates, disa nga sherbimet e kesaj qendre spitalore ankohen per mosfunksionimin e pajisjeve mjekesore qe kane ne perdorim. Por, problemi me serioz deri me tani per drejtuesit e QSUT-se mbetet skaneri, i cili ka dale jashte funksionit, per shkak te llambes, e cila ka plotesuar oret e punes. Ndonese kur kjo aparature eshte prishur, firma qe kujdesej per mirembajtjen e pajisjeve mjekesore ka qene ne zbatimin e kontrates, shkak per mos rregullimin e saj ka qene mungesa e fondit per blerjen e pajisjes se dale jashte funksionit.
Nje vit me pare, kur skaneri i spitalit onkologjik nuk funksiononte, drejtuesit e QSUT-se pohuan se kontratat qe do te nenshkruhen do te jene me afatgjata per te mos pasur probleme te mirembajtjes se tyre. “Kontratat me firmat, te cilat do te merren me rregullimin e aparaturave, do te jene me afate 5-vjecare dhe jo njevjecare. Kjo per vete faktin se aparaturat mund te prishen ne cdo moment, nderkohe qe koha per kryerjen e kontratave eshte e gjate”, eshte shprehur nje vit me pare drejtori i QSUT-se, Mati Pepa. Por, problemi edhe pas nje viti mbetet i njejte, pasi pajisjet mjekesore mund te prishen ose japin probleme dhe nuk ka se kush t’i rregulloje.
Prishja e aparaturave here pas here
Aparaturat ne QSUT per shkak se perballojne nje fluks te madh pacientesh dhe shumica e tyre jane unike ne vend, kerkojne zevendesim te pjeseve kryesore. Kjo sjell edhe probleme te ndryshme ne funksionimin e tyre, deri ne mosfunksionim per nje kohe te gjate javore apo edhe disamujore. Problematike ne QSUT ka qene gjithmone prishja e skanerit te onkologjikut, mamografia po ne te njejtin spital. Nderkohe qe aparatura e lipotritit prej dy vjetesh eshte jashte funksionit dhe ende nuk eshte rregulluar. Per kete arsye, pacientet me gure ne veshka ose detyrohen t’i nenshtrohen nderhyrjes kirurgjikale, ose te zgjedhin sherbimin te privati qe kushton deri ne 60 mije leke te reja.