QSUT, rrezikohen ilacet per Onkologjikun

Pacientet e spitalit onkologjik ne Qendren Spitalore Universitare "Nene Tereza" edhe gjate vitit 2008 do te ndiejne mungesen e citostatikeve, per shkak te buxhetit te ulet qe do t'i kaloje ketij spitali. Sipas parashikimeve, buxheti mendohet te jete 4 milione euro, nderkohe qe nevojat jane dy here me te medha. Qe te semuret me kancer te mjekohen rregullisht me ilacet baze, citostatiket, nevojitet 8,5 milione euro. Kjo eshte kostoja reale qe mjeket e pavijonit te onkologjise ne qendren spitalore "Nene Tereza" kane nxjerre, pas nje studimi mbi trajtimin klinik te pacienteve te tyre.
Studimi
Drejtoria e QSUT-se u ka kerkuar shefave te pavijoneve te bejne nje studim mbi koston e pacientit te trajtuar gjate vitit 2007 ne sherbimin e onkologjise me citostatike dhe barna te tjera te rendesishme. Sipas kalkulimeve te bera ka rezultuar se per te pasur nje sherbim te mire dhe barna te mjaftueshme kerkohet nje buxhet prej 8,5 milione euro. Nderkohe qe i gjithe buxheti i QSUT-se per kete vit eshte vetem 2,2 miliard leke. "Kosto reale e ketyre medikamenteve shkon deri ne 8.5 milione euro, qe eshte nje shume e konsiderueshme. Por mendoj se nga viti ne vit buxheti per citostatiket ka ardhur ne rritje, sidomos eshte ndjere ne vitet e fundit. Vitin e kaluar ka qene rreth 3,8 milione euro, ndersa shpresoj kete vit te shkoje rreth 4 apo 4,5 milione euro", u shpreh dje shefi i sherbimit te onkologjise, Agim Sallaku.
Tenderet
Blerja e citostatikeve dhe medikamenteve te tjera per te semuret e onkologjikut kryhet me ane te tendereve, per shkak te fondit te madh qe kerkojne. Por, moskryerja e tendereve ne kohe dhe ne afatet e kerkuara ka qene problemi kryesor per mos trajtimin e pacienteve me medikamente nga farmacia e QSUT-se. Sipas procedurave te percaktuara eshte Ministria e Shendetesise dhe Drejtoria e QSUT-se, ato qe kryejne tenderet, por nese keto te fundit nuk kryhen brenda afateve, atehere behen blerjet nga vete spitali. "Ne raste te vecanta behen edhe blerje te vogla, por qe duke pasur parasysh koston e madhe te preparateve me blerje te vogla kurre nuk arrin qe te besh nje blerje te sakte", ka nenvizuar shefi i onkologjikut, Agim Sallaku. Sipas tij, keto blerje emergjente shume here nuk jane dhe cilesore.
Mungesat
Mungesa e barnave ne Qendren Spitalore Universitare, por sidomos e citostatikeve, te cilet kushtojne me shume, ka qene nje problem i herepashershem. Pas perfundimit te fondeve dhe medikamenteve te bera ne periudhen e pare te vitit, pacienteve u duhet qe t'u drejtohen farmacive private. "Kur ka mungesa, sigurisht qe pacientet i drejtohen sektorit privat, i drejtohen blerjeve jashte shtetit per ata qe kane mundesi. Keto jane rruget e blerjes dhe kurimit", ka theksuar shefi i onkologjise. Sipas tij, ka edhe raste kur medikamentet nuk gjenden ne vendin tone, blerjet behen jashte vendit.

8.5 milione
Euro eshte fondi i llogaritur nga mjeket e spitalit onkologjik per perballimin e blerjes se citostatikeve dhe medikamenteve te tjera baze qe sherbejne per kurimin e kancerit. Te dhenat jane bere publike pas nje studimi qe kane kryer shefat e sherbimit te onkologjikut

4 milione
Euro eshte buxheti i percaktuar nga drejtoria e QSUT-se per spitalin onkologjik persa u perket blerjeve ne medikamente per vitin 2008. Megjithese ka nje rritje te buxhetit perseri mjeket pohojne se do te kete mungesa te medikamenteve dhe kryesisht citostatikeve qe jane me te kushtueshem
QSUT, dy vjet ne krize
Prej me shume se dy vjetesh, Qendra Spitalore Universitare "Nene Tereza" eshte duke kaluar nje krize ne furnizimin me medikamente. Kjo per vete faktin se buxheti i parashikuar per blerjen e barnave ka qene i pamjaftueshem. Por, problemi gjate ketyre dy viteve nuk ka qene vetem te barnat, por edhe te pajisjet mjekesore deri te garzat dhe dorezat. Me shperndarjen e buxhetit te vitit 2008 do te behen dhe blerjet e reja te medikamenteve. Por, problemi, sipas drejtuesve te QSUT-se, ka qene menyra e kryerjes se tendereve, te cilet sjellin vonesa ne blerjen e medikamenteve. Sipas drejtorit te QSUT-se, blerja e ilaceve duhet te jete me prokurim te drejtperdrejte per vete faktin se dihen se cilat jane cmimet qe ofron tregu farmaceutik per ilacet. Megjithate mesohet se pas rreth kater muajsh eshte rivene ne pune skaneri ne QSUT, pas blerjes se llambes unike, e cila kishte mbushur oret e punes. Ka qene vete drejtori i QSUT-se, Mati Pepa, i cili ka pohuar se prej me shume se 5 ditesh kjo pjese ka mberritur ne pavijonin e radiologjise dhe eshte duke u montuar, nderkohe qe aparati i skanerit do te rivihet ne pune shume shpejt. Deri me tani, pacientet e QSUT-se, por edhe ata te rretheve, u eshte dashur qe te presin ne radhe te skaneri qe ndodhet ne ambientet e spitalit pediatrik. Nderkohe qe skaneri i sapo riparuar eshte unik ne vendin tone dhe kryen ekzaminime te hollesishme.
Viti 2008, 4 milione euro me shume
Buxheti i ketij viti ka parashikuar per Qendren Spitalore Universitare "Nene Tereza" 4 milione euro me shume se gjate vitit te kaluar. Duke qene se shendetesia eshte nje nga prioritetet e qeverise, buxhet i saj ka pasuar nje rritje dhe kjo ka kaluar edhe tek institucionet shendetesore. "Per kete vit, buxheti per QSUT-ne eshte rritur me nje fond prej 4 milione eurosh me shume se gjate vitit te kaluar", eshte shprehur drejtori i Politikave dhe Projekteve ne Ministrine e Shendetesise, Edmond Stojku. Sipas tij, edhe QSUT do te shperndaje me shume fonde per pavijonet apo zerat e tjere te saj per plotesimin e nevojave. Nderkohe, nga ana tjeter, QSUT pohon se buxheti i percaktuar mjafton vetem per blerje te medikamenteve dhe jo per shpenzime te tjera.