Qendrat e votimit, 506 në ambiente private
17/06/2009 KQZ do të vendosë krijimin e tyre
Komisioni Qendror i Zgjedhjeve do të vendosë sot për përcaktimin e vendndodhjes së 506 qendrave të votimit në ambiente private, nga rreth 4800 të tilla që do të ngrihen për zgjedhjet e Kuvendit të Shqipërisë, që do të zhvillohen më 28 qershor. Burime zyrtare nga ky komision konfirmojnë se KQZ-ja ka detyrimin të autorizojë me vendim krijimin e qendrave të votimit në ambiente private. Mbledhja e sotme e KQZ-së, e parashikuar të zhvillohej pasdite, pritet të shoqërohet me debate mes palëve, pasi zgjedhja e ambienteve private për të zhvilluar procesin e votimit në ambiente joshtetërore vë në dyshim sigurinë e zhvillimit të një procesi brenda standardeve. Kodi Zgjedhor në raste përjashtimore parashikon miratimin nga KQZ-ja të ambienteve të veçanta, pasi përparësi u jepet ambienteve publike. “Qendrat e votimit, selitë e KZAZ-ve dhe vendi i numërimit të votave, për aq sa është e mundur, krijohen në ndërtesa publike me hyrje të lirë. Qendrat e votimit, selitë e KZAZ-ve dhe vendi i numërimit të votave nuk mund të krijohen në ndërtesa private, pa autorizimin e veçantë të KQZ-së, në ndërtesa që përdoren nga administrata publike, me përjashtim të institucioneve arsimore, kulturore dhe shëndetësore, ose në ndërtesa që përdoren apo janë në pronësi, pjesërisht ose tërësisht, të një partie politike apo kandidati ose të afërmve të tij”, - thuhet në nenin 93 të ligjit për zgjedhjet. Në debate të kësaj natyre KQZ-ja është përfshirë gjatë diskutimeve për përcaktimin e vendndodhjes së vendit të numërimit të votave. Përzgjedhja nga prefektët e disa ambienteve private ka shkaktuar debate, të cilat kanë shkuar deri në Kolegjin Zgjedhor për të marrë zgjidhje.
Trajnuesit
Ndërkohë dje komisioni kryesor i administrimit të procesit zgjedhor miratoi listën me 214 trajnuesit dhe 6 të tjerëve rezervë në qarqet kryesore për anëtarët e komisioneve të qendrave të votimit në kuadër të zgjedhjeve të përgjithshme të 28 qershorit. Sipas vendimit të KQZ-së, nga lista me 214 trajnuesit e përzgjedhur, 50 për qind e tyre kanë kontribuar në këtë detyrë në zgjedhjet lokale të vitit 2007 dhe në zgjedhjet për Kuvendin të vitit 2005. Ndërkohë që në përzgjedhjen e 50-përqindëshit tjetër KQZ-ja ka marrë parasysh përvojën e punës dhe eksperiencat e mëparshme si trajnues në fushën e zgjedhjeve.
Anëtarët e KZAZ-ve
KQZ-ja miratoi dje gjithashtu vendimin për lirimin dhe emërimin e gjithsej nëntë anëtarëve të KZAZ-ve për zgjedhjet parlamentare të 28 qershorit. Në këtë mënyrë, ky komision vendosi të lirojë nga detyra anëtarët e emëruar dhe të emërojë në vend të tyre propozimet e reja të paraqitura: gjashtë anëtarë nga Partia Republikane; dy anëtarë nga Partia Demokratike dhe një anëtar nga Partia Socialdemokrate. Të drejtën për të propozuar anëtarë të KZAZ-së e kanë edhe katër subjekte zgjedhore: PD, PS, PR dhe PSD.
BMM raporton para KQZ-së
Bordi i Monitorimit të Medies do të publikojë pranë KQZ-së raportin e tretë të monitorimit të fushatës elektorale në operatorët televizive për zgjedhjet e 28 qershorit. Ky komision ka parashikuar që gjatë mbledhjes së mesditës të njihet me rezultatet e monitorimit të ditëve në vijim të fushatës së pasqyruar në mediet televizive për subjektet zgjedhore konkurrente në zgjedhjet e përgjithshme. Para disa ditës BMM u prezantua për herë të parë para KQZ-së me dy raporte të ndryshe për shkak të mosmarrëveshjeve që anëtarëve e bordit përfaqësues të dy partive kryesore politike në vend. Ata nuk bien dakord se cilit subjekt, qeverisë apo Partisë Demokratike duhet të llogariten si minutash televiziv, ato kronika që pasqyrojnë inaugurime rrugësh, siç ishte ai i inaugurimit të rrugës Durrës–Kukës, apo deklarimet për pajisjen e qytetarëve me karta identiteti. Ndërkohë në mbledhjen e fundit KQZ-ja rrëzoi kërkesat e disa subjekteve zgjedhore që kërkonin kompensimin e minutazhit nga disa operatorë, që nuk kishin respektuar kohën që u takonte.
Trajnimet
Do të trajnojnë anëtarët e KQV-së 214 trajnues
Qarku
Shkodër - 18 trajnues
Kukës - 10 trajnues
Lezhë - 11 trajnues
Dibër - 13 trajnues
Durrës - 16 trajnues
Tiranë - 36 trajnues
Elbasan - 24 trajnues
Fier - 23 trajnues
Berat - 13 trajnues
Korçë - 18 trajnues
Gjirokastër - 14 trajnues
Vlorë - 17 trajnues
Emërohen anëtarë të KZAZ-ve
Partia Republikane
Berat- Adelina Parangoni
Fier- Enver Hodaj
Korçë- Bashkim Blushi
Korçë- Marsel Telha
Lezhë- Preng Gjonaj
Shkodër- Rrok Miculi
Partia Demokratike
Tiranë- Adriatik Shehu
Tiranë- Eni Fane
Partia Socialdemokrate
Vlorë- Erjon Gucaj
Komisioni Qendror i Zgjedhjeve do të vendosë sot për përcaktimin e vendndodhjes së 506 qendrave të votimit në ambiente private, nga rreth 4800 të tilla që do të ngrihen për zgjedhjet e Kuvendit të Shqipërisë, që do të zhvillohen më 28 qershor. Burime zyrtare nga ky komision konfirmojnë se KQZ-ja ka detyrimin të autorizojë me vendim krijimin e qendrave të votimit në ambiente private. Mbledhja e sotme e KQZ-së, e parashikuar të zhvillohej pasdite, pritet të shoqërohet me debate mes palëve, pasi zgjedhja e ambienteve private për të zhvilluar procesin e votimit në ambiente joshtetërore vë në dyshim sigurinë e zhvillimit të një procesi brenda standardeve. Kodi Zgjedhor në raste përjashtimore parashikon miratimin nga KQZ-ja të ambienteve të veçanta, pasi përparësi u jepet ambienteve publike. “Qendrat e votimit, selitë e KZAZ-ve dhe vendi i numërimit të votave, për aq sa është e mundur, krijohen në ndërtesa publike me hyrje të lirë. Qendrat e votimit, selitë e KZAZ-ve dhe vendi i numërimit të votave nuk mund të krijohen në ndërtesa private, pa autorizimin e veçantë të KQZ-së, në ndërtesa që përdoren nga administrata publike, me përjashtim të institucioneve arsimore, kulturore dhe shëndetësore, ose në ndërtesa që përdoren apo janë në pronësi, pjesërisht ose tërësisht, të një partie politike apo kandidati ose të afërmve të tij”, - thuhet në nenin 93 të ligjit për zgjedhjet. Në debate të kësaj natyre KQZ-ja është përfshirë gjatë diskutimeve për përcaktimin e vendndodhjes së vendit të numërimit të votave. Përzgjedhja nga prefektët e disa ambienteve private ka shkaktuar debate, të cilat kanë shkuar deri në Kolegjin Zgjedhor për të marrë zgjidhje.
Trajnuesit
Ndërkohë dje komisioni kryesor i administrimit të procesit zgjedhor miratoi listën me 214 trajnuesit dhe 6 të tjerëve rezervë në qarqet kryesore për anëtarët e komisioneve të qendrave të votimit në kuadër të zgjedhjeve të përgjithshme të 28 qershorit. Sipas vendimit të KQZ-së, nga lista me 214 trajnuesit e përzgjedhur, 50 për qind e tyre kanë kontribuar në këtë detyrë në zgjedhjet lokale të vitit 2007 dhe në zgjedhjet për Kuvendin të vitit 2005. Ndërkohë që në përzgjedhjen e 50-përqindëshit tjetër KQZ-ja ka marrë parasysh përvojën e punës dhe eksperiencat e mëparshme si trajnues në fushën e zgjedhjeve.
Anëtarët e KZAZ-ve
KQZ-ja miratoi dje gjithashtu vendimin për lirimin dhe emërimin e gjithsej nëntë anëtarëve të KZAZ-ve për zgjedhjet parlamentare të 28 qershorit. Në këtë mënyrë, ky komision vendosi të lirojë nga detyra anëtarët e emëruar dhe të emërojë në vend të tyre propozimet e reja të paraqitura: gjashtë anëtarë nga Partia Republikane; dy anëtarë nga Partia Demokratike dhe një anëtar nga Partia Socialdemokrate. Të drejtën për të propozuar anëtarë të KZAZ-së e kanë edhe katër subjekte zgjedhore: PD, PS, PR dhe PSD.
BMM raporton para KQZ-së
Bordi i Monitorimit të Medies do të publikojë pranë KQZ-së raportin e tretë të monitorimit të fushatës elektorale në operatorët televizive për zgjedhjet e 28 qershorit. Ky komision ka parashikuar që gjatë mbledhjes së mesditës të njihet me rezultatet e monitorimit të ditëve në vijim të fushatës së pasqyruar në mediet televizive për subjektet zgjedhore konkurrente në zgjedhjet e përgjithshme. Para disa ditës BMM u prezantua për herë të parë para KQZ-së me dy raporte të ndryshe për shkak të mosmarrëveshjeve që anëtarëve e bordit përfaqësues të dy partive kryesore politike në vend. Ata nuk bien dakord se cilit subjekt, qeverisë apo Partisë Demokratike duhet të llogariten si minutash televiziv, ato kronika që pasqyrojnë inaugurime rrugësh, siç ishte ai i inaugurimit të rrugës Durrës–Kukës, apo deklarimet për pajisjen e qytetarëve me karta identiteti. Ndërkohë në mbledhjen e fundit KQZ-ja rrëzoi kërkesat e disa subjekteve zgjedhore që kërkonin kompensimin e minutazhit nga disa operatorë, që nuk kishin respektuar kohën që u takonte.
Trajnimet
Do të trajnojnë anëtarët e KQV-së 214 trajnues
Qarku
Shkodër - 18 trajnues
Kukës - 10 trajnues
Lezhë - 11 trajnues
Dibër - 13 trajnues
Durrës - 16 trajnues
Tiranë - 36 trajnues
Elbasan - 24 trajnues
Fier - 23 trajnues
Berat - 13 trajnues
Korçë - 18 trajnues
Gjirokastër - 14 trajnues
Vlorë - 17 trajnues
Emërohen anëtarë të KZAZ-ve
Partia Republikane
Berat- Adelina Parangoni
Fier- Enver Hodaj
Korçë- Bashkim Blushi
Korçë- Marsel Telha
Lezhë- Preng Gjonaj
Shkodër- Rrok Miculi
Partia Demokratike
Tiranë- Adriatik Shehu
Tiranë- Eni Fane
Partia Socialdemokrate
Vlorë- Erjon Gucaj