Qeveria Berisha ka ndërtuar 10 400 km rrugë në të gjithë Shqipërinë

Reagon PD pas deklaratave të Edi Ramës në Vlorë

“Partia Demokratike ka ndërtuar 10 400 km rrugë në gjithë Shqipërinë, ka ndërtuar rrugën Levan-Tepelenë, e Vlorë-Levan, që e shkurtojnë sot kohën e udhëtimit nga Tirana në Vlorë me më shumë se një orë", theksoi te dielën pasdite në një deklaratë për shtyp zedhenesja e Partisë Demokratike, Laura Vorpsi. Duke reaguar ndaj deklaratave të Kryetarit të Partisë Socialsite, Edi Rama, sot në Vlorë, ajo theksoi se "në qarkun e Vlorës Partia Demokratike ka ndërtuar dhe rindërtuar qindra e qindra km rrugë. PD ju thotë shqiptarëve se Edi Rama nga autobusi i tij mavi vjell "vrer" çdo ditë, nxin dhe mbjell pesimizëm". "Kreu socialist e konsideron të gënjeshtërt Shqipërinë reale. Ai pa u skuqur deklaroi sot për rrugët se nuk ekzistojnë, ndërkohë që sot çdo vlonjat e çdo shqiptar udhëton nga ura e Mifolit në Konispol, në rrugë moderne të ndërtuara dhe të rindërtuara. Partia Demokratike do të bëjë edhe më shumë për Vlorën, duke ndërtuar Bypass-in dhe shumë rrugë rajonale, e rurale, sepse për PD-në të gjithë qytetarët meritojnë të shërbehen kudo ku ata jetojnë", theksohet në deklaratë. Më i çoroditur se çdo ditë, theksoi zedhenesja Vorpsi, Edi Rama tha sot se Vlora ka mbetur me rrugën e Austro-Hungarisë! Mund t’ia hedhësh po ta bësh këtë deklaratë në një planet tjetër, ku askush nuk ka informacion, ose në autobusin mavi, xhamat e zinj të të cilit nxijnë çdo gjë të Shqipërisë reale. Por, ta bësh këtë deklaratë në Vlorë, para gjithë vlonjatëve e shqiptarëve, të cilët ecin në rrugët e ndërtuara nga Partia Demokratike, të cilët shpenzojnë më pak kohë dhe para me udhëtimin sot, është përtej çdo imagjinate mavi", përfundoi deklarata e zëdhënëses se PD-së