Qeveria ceke ofron 5 bursa studimi, ne Ekonomi dhe Informatike

Informatika, Ekonomia dhe Bujqesia jane tre dege ne te cilat mund te kryeni studime masteri dhe doktorature ne Ceki. Qeveria e Republikes se Cekise ofron per shtetasit shqiptare kater bursa per programe studimi te nivelit master ose doktorate dhe nje burse per studime te nivelit bachelor ne universitetet publike ceke, per vitin akademik 2010-2011. Programet e studimit per master ose doktorate do te zhvillohen ne gjuhen angleze, ndersa ato te nivelit bachelor ne gjuhen ceke. Per sa i perket afatit te fundit te regjistrimit ai eshte 20 nentori i ketij viti. Per sa i perket dokumenteve qe duhet te paraqiten jane formulari i aplikimit, deftese e pjekurise e perkthyer ne cekisht, listen e lendeve te zhvilluara per cdo vit shkollor, e perkthyer ne cekisht. Po keshtu, certifikate te lindjes me fotografi, e perkthyer ne cekisht dhe raport mjekesor per aftesi studimesh, i perkthyer ne cekisht ose anglisht. Mbas dorezimit te dokumentacionit, aplikantet per programet e studimit te nivelit master dhe doktorate do te paraqiten prane ambasades ceke ne Tirane per te zhvilluar nje testim lidhur me njohjen e gjuhes angleze.