Qeveria, gati kontratat per pese hidrocentrale te rinj

Qeveria miratoi dje ne mbledhjen e saj, kontratat e koncesionit me kompanite fituese te tendereve per ndertimin e 5 hidrocentraleve ne vend. Me propozim te Ministrise se Ekonomise, Tregtise dhe Energjetikes, u miratuan kontratat e koncesionit me shoqerine "Duka T2" sh.p.k per ndertimin e hidrocentralit te "Tucep 2". Po keshtu u miratuan kontratat edhe me shoqerite "K.I.S.I" sh.p.k per ndertimin e hidrocentralit "Kacni", "Mak Olimpik" sh.p.k per ndertimin e hidrocentralit "Stravaj" dhe "Adnain" per ndertimin e hidrocentraleve "Kabash 1" dhe "Kabash 2". Ndertimi i hidrocentraleve te vegjel dhe futja e tyre ne rrjetin energjetik te vendit, qe do te ndikonte jo vetem me rritjen e sasise se energjise, por dhe per pikat fundore te tij, per fuqizimin e sasise se energjise, ka qene per te gjitha qeverite ne qender te vemendjes. Miratimi i ligjit per energjine, vite me pare, por dhe ndryshimi i ketij ligji dy vjet me pare, percakton ne menyre te detajuar uljen e te gjitha tarifave doganore per pajisjet qe do te sherbejne per ndertimin e hidrocentraleve me kapacitet prej 2 MEGA-sh. Dhenia me koncesion e 75 hidrocentraleve te vegjel ekzistuese dhe miratimi i ndertimit te shume hidrocentraleve te tjera te vegjel, si dhe lehtesirat ligjore per marrjen ne koncesion ose ndertimin e tyre, ka sjelle dhe shtimin e interesit per kete sektor te rendesishem te burimit te energjise se paster, kur jane shfrytezuar deri me tani vetem 30 per qind te kapaciteteve hidrike.